Մաշկի խնամքի 4 ոսկե կանոն՝ ամռան արևին ճիշտ դիմակայելու համար

Ամառը մաշկի համար համարվում է սթրեսային սեզոն։ Ավելացած քրտնարտադրության և ճարպի ինտենսիվ արտազատման պատճառով ծակոտիների խցանումը տեղի է ունենում շատ ավելի արագ, իսկ յուղոտ փայլը դառնում է դիմահարդարման մշտական ​​ուղեկիցը: Ինչպես կանխել այս խնդիրների առաջացումը և աջակցել մաշկին՝ ամռան ամենաթեժ օրերին:

Pressmedia.am-ը ձեր դատին է հանձնում մաշկի ճիշտ խնամքի 4 կանոն, որոնք կդառնան ձեր փրկիչ-օգնականները ողջ ամառվա ընթացքում:

1. Մաշկը պետք է խոնավեցվի

Ամենակարևորը մաշկը խոնավ պահելն է։ Կարևոր չէ, թե խոսքը դեմքի, թե մարմնի խնամքի մասին է։ Ավաղ, մաշկի չորությունը կանխելու համար ճարպային քսուքներն ու շիճուկները բավարար չեն լինի։ Հատուկ ուշադրություն դարձրեք ձեր ջուր խմելու ռեժիմին. աշխատեք օրական խմել առնվազն մեկուկես լիտր մաքուր ջուր, և անմիջապես կնկատեք, թե ինչպես է մաշկը դառնում ավելի մաքուր, փայլուն և խոնավ:

2. Ջերմային ջուրը ձեր փրկության օղակն է

Ջերմային ջուրը իսկական ընկեր կդառնա շոգ օրերին առողջ ու գեղեցիկ մաշկի համար պայքարում, ուստի այն պետք է միշտ մեր ձեռքի տակ լինի։ Ցանկացած առիթի դեպքում, երբ զգում եք, որ ձեր մաշկը հատուկ խնամքի և ուշադրության կարիք ունի, չոր և ջրազրկված տեսք ունի, օգտագործեք ջերմային ջուր։ Այն կարող է օգտագործվել ամենուր՝ անկախ նրանից՝ տանն եք, թե թռչում եք ինքնաթիռով: Ձեր մաշկը երբեք չպետք է չորություն զգա:

3. Less - is more. մոռացեք ծանր դիմահարդարման մասին

Փորձեք օգտագործել նվազագույն քանակով դիմահարդարում: Շոգին հատկապես վնասակար են դեկորատիվ կոսմետիկան՝ դրանք մեծապես խցանում են ծակոտիները և թույլ չեն տալիս մաշկին շնչել։ Արդյունքում, ձեր մաշկի վրա կարող են հայտնվել անցանկալի գրգռվածություն կամ պզուկներ, որոնց դեմը հետագայում բավականին դժվար է առնել: Նաև մի մոռացեք փոխել ծանր հյուսվածքով կոսմետիկան ավելի թեթև ապրանքների հետ, որոնք դեռ կկարողանան կատարել իրենց գործառույթները, բայց չեն վնասի մաշկը: Օրինակ՝օգտագործեք BB կրեմ, որը ոչ միայն փայլեցնում է մաշկը և թաքցնում թերությունները, այլև խոնավեցնող ազդեցություն ունի։

4. Ճիշտ մաքրումը մաշկի մաքրության գրավականն է

Շոգին մաշկի կանոնավոր մաքրումը պետք է ընդունել որպես պարտադիր կանոն, քանի որ ամռանը մեր ծակոտիները  հակված են աղտոտման։ Առավոտյան և երեկոյան հատկապես կարևոր է հետևել մաշկի մաքրման հիմնական ռեժիմին, որով ձեզ կօգնեն ոչ միայն սովորական մաքրող միջոցները, այլ նաև սկրաբները և դիմակները :