Ինչ կենսագրություն ունի ԳՇ նորանշանակ պետը

Նախագահ Վահագն Խաչատուրյանի հուլիսի 14-ի հրամանագրով Էդվարդ Ասրյանը 5 տարի ժամկետով նշանակվել է Հայաստանի Հանրապետության զինված ուժերի գլխավոր շտաբի պետ:

Պաշտպանության նախարարությունը ներկայացնում է ԳՇ նորանշանակ պետի կենսագրությունը:

Էդվարդ Ասրյանը ծնվել է 1977թ. մայիսի 22-ին Արցախի Ազոխ գյուղում (Հադրութի շրջան):

ԳՈՐԾՈՒՆԵՈՒԹՅՈՒՆ

1994-2021թթ.
Զինված ուժերի կազմում զբաղեցրել է տարբեր ղեկավար պաշտոններ

2015-2017թթ.
ՊՆ Վ. Սարգսյանի անվան ռազմական համալսարանի Համազորային ֆակուլտետի պետի տեղակալ, ֆակուլտետի պետ

2017-2019թթ.
ԶՈՒ ԳՇ օպերատիվ վարչության պետի տեղակալ

2019-թ. նոյեմբերի 29
ԶՈՒ ԳՇ օպերատիվ գլխավոր վարչության օպերատիվ վարչության պետ

2020թ. հոկտեմբերի 30
ՀՀ նախագահի հրամանագրով շնորհվել է «գեներալ–մայոր» զինվորական կոչում

2021թ. մայիսի 21
ՀՀ նախագահի հրամանագրով նշանակվել է ԶՈՒ ԳՇ օպերատիվ գլխավոր վարչության պետ-ԶՈՒ ԳՇ պետի տեղակալ

2022թ. հուլիսի 14
ՀՀ նախագահի հրամանագրով նշանակվել է ՀՀ ԶՈՒ գլխավոր շտաբի պետ

ԿՐԹՈՒԹՅՈՒՆ

1983-1994թթ.
սովորել և գերազանցությամբ ավարտել է ԼՂՀ Հադրութի շրջանի Ազոխ գյուղի միջնակարգ դպրոցը

1994-1999թթ.
ուսումնառություն Արցախի պետական համալսարանում (հեռակա)

2004-2006թթ.
սովորել և գերազանցությամբ ավարտել է ՌԴ ԶՈՒ համազորային ակադեմիան

2018թ. սեպտեմբեր-նոյեմբեր
ՌԴ ԶՈՒ ԳՇ ռազմական ակադեմիայի եռամսյա դասընթացներ

2021թ.
ՌԴ ԶՈՒ ԳՇ ռազմական ակադեմիայի դասընթացներ

Պարգևատրվել է պետական և գերատեսչական մեդալներով, պատվոգրերով:

Ամուսնացած է, ունի երկու երեխա: