Անգամ Քիմ Քարդաշյանին էին հարցրել․ ուզում եմ բացատրել՝ ինչի մասին է խոսքը

Ես չէի պատկերացնի, որ քնի ու երաժշտության հետ կապված երկու օր առաջվա այդ իրողությունը իսկապես այդքան հայտնի իրադարձություն կդառնա ու այդքան կքննարկվի համացանցում։ Ես ուզում եմ ուրախությամբ ֆիքսել, որ Երևանի նկատմամբ մարդիկ իրոք մեծ վերաբմունք ունեն ու այդ վերաբերմունքը փաստորեն ունեն ոչ միայն Երևանում բնակվողները, այլ անգամ մարզերի բնակիչները, որոնք նույնպես իրենց տեսակետներն էին հայտնում համացանցում։ Այս մասին քիչ առաջ Երևանի քաղաքապետարանում խորհդակցության ժամանակ հայտարարեց Երևանի քաղաքապետ Հրաչյա Սարգսյանը։

«Ես ուզում եմ հիմա բոլորին ավելի մանրամասն բացատրել, թե խոսքը ինչի մասին է։ Երևանի աշտարակում մի քանի ժամը մեկ հնչում է Երևանի հիմնը՝ Էդգար Հովհաննիսյանի ու Պարույր Սևակի ստեղծագործությամբ։ Հիմա Երևանի վարչական շրջաններում ևս տեղադրվել է այդ համակարգը ու այնտեղ ևս պիտի հնչի, սա է ամենը։ Հումորները իրոք շատ լավն էին, որոնք վերաբերվում էին նրան, թե մարդիկ իրոք դեմ են, որ առավոտյան ժամը 7-ին արթնանան։ Ես հիմա հետաքրքիր մի բան էլ ասեմ, այդ համակարգը իմ հայտնի հայտարարությունից առաջ դեռ 25 օր առաջ էլ աշխատում էր ու վստահ եմ՝ իրենք կյանքում շատ բան չի փոխվել։ Իսկ հումորները, նորից ասեմ, շատ հետաքրքիր էին, անգամ Քիմ Քարդաշյանին էին հարցրել, թե ինքը ինչ կարծիք ունի էս որոշման վերաբերյալ»,- հավելեց Սարգսյանը։