Ի՞նչ անել, որ սիրահարվածությունը վերաճի սիրո
Life
Իզուր չէ, որ դեռևս ոչ մի իմաստուն, փիլիսոփա կամ գիտնական սիրո հստակ բնութագիրը չի կարողացել տալ: Թե ինչ է դա և ինչ բանաձևով կարելի է այն ձևակերպել, ոչ ոք չգիտի: Երևի հենց այդ պատճառով էլ այն անվերջ է, քանի որ հավերժություն է պետք գլխավոր գաղտնիքը պարզելու համար:
Իսկ դո՞ւ… Եթե դեռ չես սիրել, հավատա, որ հեռու չէ այն օրը, երբ սիրո շունչը նաև քեզ կհասնի, երբ կզգաս, որ արյունը քո երակներով այլ կերպ է հոսում, որ լսում ես սրտիդ զարկերը, իսկ մտքերդ միայն նրա շուրջ են պտտվում: Որ հոգուդ ողջ ջերմությունը պատրաստ ես նրան տալ և ինքդ էլ դարձել ես հավատի ու հավատարմության մարմնացում, որ մոռացել ես քեզ և կորցրել ժամանակի զգացողությունը…
Չնայած սերը հավերժական երևույթ է, բայց շատերի համար հավերժական սերն ընդամենը երազանք է, որին սպասում ու այդպես էլ չեն հասնում կամ գտնելուց հետո նորից կորցնում են ու սկսում փնտրել: Երևի հենց դրա համար էլ այն երազանք է, որպեսզի միշտ ձգտես հասնել դրան: Սերը կարող է սկսվել սիրահարությունից, բայց միշտ չէ, որ սիրահարությունը վերաճում է սիրո: Կարծիք կա, որ սերը հիվանդություն է, իսկ հավերժական սերը՝ անբուժելի հիվանդություն:
- Դու սկսել ես ավելի հաճախ ասել ոչ թե «ես», այլ` «մենք»:
- Նրան նայելով, երբեմն մտածում ես` «Իսկ իմ անունը նրա ազգանվան հետ բարեհու՞նչ է» է:
- Նա քո չհավանած վերնաշապիկն է հագել, բայց քեզ թվում է, որ շատ էլ գեղեցիկ է:
- Նրա շնորհիվ դու սկսել ես խոհանոցում հրաշքներ գործել, խոհարարական գաղտնիքներ բացահայտել և հանկարծ գլխի ես ընկել, որ դա շատ էլ հաճելի զբաղմունք է:
- Դու այլևս ուշադրություն չես դարձնում մանրուքներին, օրինակ՝ որ նա պատառաքաղը սխալ է բռնում կամ թեյն աղմուկով է խմում:
- Դու անկեղծորեն ուզում ես ծանոթանալ նրա ծնողների հետ:
- Հագուստ ընտրելիս դու ավելի հաճախ ես մտածում՝ «Իսկ նա կհավանի տեսնես»:
- Երկուսիդ բջջային հեռախոսները նույն փաթեթի մեջ են, կամ օգտվում եք սիրելի համարների արտոնություններից:
- Դու ընկերուհիներիդ գրեթե չես հանդիպում և հիմնականում նրա հետ ես անցկացնում ազատ ժամանակդ:
- Դու սկսել ես դիտել նրա հավանած հաղորդումները:
- Առանց նրա անցկացրած մեկ շաբաթը քեզ համար իսկական փորձություն է:
- Եթե նա տխուր է, դու նույնպես քեզ վատ ես զգում, իսկ երբ նա ուրախ է, դու էլ ես մանկան պես հրճվում:
- Հարգի՛ր նրան: Դու կարող ես նրա կարծիքի հետ չհամաձայնել, բայց չպետք է այն անտեսես:
- Երկու հարյուր տոկոսով նրան վստահի՛ր, նրա ծանոթ աղջիկներին մի ընդունիր որպես քո պոտենցիալ մրցակցուհիներ:
- Հետաքրքրվի՛ր նրանով, նրա կյանքով, հետաքրքրություններով, հայացքներով, մտքերով:
- Նրան սիրի՛ր ոչ թե ինչ-որ բանի համար, այլ՝ անկախ ամեն ինչից:
- Հաճելի խոսքեր ասա՛: Ոչ միայն աղջիկներն են սիրում ականջներով: Նրան ավելի հաճախ դիմիր քնքուշ խոսքերով (մանավանդ որ սիրտդ լի է դրանցով):
- Սովորի՛ր ներել: Հարաբերությունները չեն կարող միանգամայն կատարյալ լինել: Ամպոտ օրերն անխուսափելի են: Պետք է համբերությամբ զինվել:
- Եթե նույնիսկ շատ սկզբունքային ես, երբեմն քո սկզբունքներից մի փոքր ետ կանգնիր: Դու դրանից չես տուժի, իսկ ձեր հարաբերություններն ավելի կամրապնդվեն:
- Մանրուքների պատճառով նրա հետ մի՛ վիճիր:
- Նույնիսկ մտքումդ նրան հավատարի՛մ եղիր:
- Առաջացած խնդիրները միասին լուծեք: Միասին ընդունված որոշումներն ավելի են մտերմացնում:
- Առանց ռոմանտիկայի, եթե դու այն ընդունես որպես սովորական անհրաժեշտություն:
- Առանց զարգացման: Եթե դուք կորցնեք ավելիին հասնելու ձգտումը: Չէ որ դուք փոխվում եք, և հարաբերությունները ևս պետք է զարգանան: Սերը պետք է ճկուն լինի:
- Առանց ուշադրության: Դուք կզրկվեք սիրուց, եթե չսովորեք պայքարել եսամոլության դեմ: Չնայած երկուսդ էլ անհատականություններ եք, բայց դուք միասին եք, դուք մեկ ամբողջություն եք, դա նույնպես պետք է հաշվի առնել:
- Առանց ջանքերի: Հաճախ սերը «սպանում» են ծնողների, ընկերների կարծիքները, կենցաղային խնդիրները: Բարդ իրավիճակներում պետք է իմաստնություն, ստեղածագործական մոտեցում դրսևորել և ջանքեր ներդնել: Սերը քնքուշ ծաղկի է նման, որը պետք է ամեն օր ջրել:
1
2
4
5
2
3
5
1
2
3
4
5
