Շվեդիայում Զիկա վիրուսով վարակվելու դեպք Է գրանցվել

Շվեդիայում գրանցվել Է Զիկա վիրուսով վարակվելու մեկ դեպք: Այդ մասին, ինչպես տեղեկացնում Է «Արմենպրես»-ը, հաղորդել Է շվեդական TV4 հեռուստաալիքը՝ վկայակոչելով լաբորատոր թեստի արդյունքները:

ԶԼՄ-ների տվյալներով՝ վիրուսը լուրջ հիվանդություն չի առաջացրել դրա կրողի մոտ: Բժիշկները կարծում են, որ երկրում համաճարակի առաջացման վտանգ չկա:

«Պատճառներ չկան ենթադրելու, որ վիրուսը կտարածվի Շվեդիայում: Վիրուսակիր մոծակներ այստեղ չկան: Ուստի չկա նաեւ անհանգստանալու պատճառ, որ այն այստեղ կտարածվի»,-TV4-ի եթերում հայտարարել Է Շվեդիայի առողջապահության վարչության համաճարակաբան  Անդերս Թեգնելը:

Զիկա տենդը կապիկների սուր ինֆեկցիոն հիվանդություն է, այն երբեմն մարդուն փոխանցվում Է մոծակների միջոցով եւ բնութագրվում է բարօրակ ընթացքով: Վիրուսն առավել վտանգավոր է հղի կանանց համար, քանի որ առաջացնում է պտղի միկրոցեֆալիա՝ ուղեղի հնարավոր ծանր ախտահարմամբ:

Առողջապահության համաշխարհային կազակերպության եւ Ինֆեկցիոն հիվանդությունների վերահսկողության ու կանխարգելման եվրոպական կենտրոնի պաշտոնական տեղեկատվության համաձայն՝ 2015 թվականի ապրիլից Բրազիլիայում, իսկ այնուհետեւ Հարավային Ամերիկայի մյուս երկրներում նկատվում է Զիկա տենդի արագ տարածում: Այսօրվա դրությամբ Բրազիլիայի 18 նահանգներում հիվանդանալու ավելի քան կես միլիոն դեպք Է գրանցված, հաղորդել է ՌԻԱ Նովոստին: