Ձեր գազից անմեղ հայերի արյան հոտ է գալիս. արցախցի ակտիվիստի կոչը համաշխարհային հանրությանը
Blog
Փնտրում եք բարձր վարձատրվող աշխատանք՝ սեղմեք ԱՅՍՏԵՂ
Մինչ աշխարհի մի անկյունում Իլոն Մասկը մարդանման ռոբոտ է ստեղծում, նույն աշխարհի մեկ այլ մասում ստեղծվում են մարդանման արարածներ, որոնք ատում են մարդկանց և, մասնավորապես, մեզ՝ հայերիս։ Ահա, թե ինչպես է արցախցի ակտիվիստ Քրիստին Բալայանը ֆեյսբուքյան իր էջում խոսում ադրբեջանցի հրեշների և պատերազմական հանցագործների մասին՝ համացանցում այդ օրը անզեն հայ ռազմագերիների մահապատժի և մահացածների, այդ թվում՝ կին զինվորների մարմինների պղծման սարսափելի կադրեր հրապարակելուց հետո։
Նա գրել է.
«Այս լուսանկարը պատկերն է այն ամենի, ինչ նրանք հիմա տարածում են համացանցում։
Մինչ համաշխարհային հանրությունը օրինագծեր է ընդունում կենդանիների նկատմամբ դաժան վերաբերմունքը պատժելու համար, այս արարածները մասնատում և ծաղրում են մարդկանց՝ միայն այն պատճառով, որ այդ մարդիկ հայ են։
Ես չեմ հասկանում, թե ինչ են անում մեր իշխանությունները և բոլոր այն կազմակերպությունները, որոնք մեծ գումարներ են ստանում մարդու իրավունքների ոլորտում իրենց աշխատանքի համար, բայց ուզում եմ հիշեցնել, որ չաշխատելով և նոր վարձատրվելով, մեղսակից ես դառնում տեղի ունեցողին:
Եվ բոլորը, ովքեր այս ձմռանը տաքանալու են Ադրբեջանի գազով, իմացեք, որ ձեր գազից անմեղ հայերի արյան հոտ է գալիս։ Եթե այսօր չկանգնեցնեք նրանց վայրագության մեջ, վաղը նրանք ձեր երեխային գառան պես մորթելու են…»,- դիմել է ակտիվիստը միջազգային հանրությանը, որը մինչ օրս չի դատապարտել ադրբեջանական ագրեսորների ու օկուպանտների վայրագությունները և շարունակում է գնել նավթ և գազ Ադրբեջանից:
Նյութը հրապարակման պատրաստեց Pressmedia.am կայքը
1
2
3
4
5
1
2
4
5
1
2
3
4
5
