Առաջին Արցախյան պատերազմից սկսած մինչև հիմա՝ առաջնագծում, չէ զինվորական չի, Կամավոր է. Գևորգ Գրիգորյան

Սիրված դերասան Գևորգ Գրիգորյանը, ով այժմ դիրքերում է, լուսանկարներ է հրապարակել այնտեղից:

Նա գրել է. 

- ԵԿՄ Աչափնյակի ջոկատի անունից՝ անչափ շնորհակալ ենք Վ.Թեքեյանի անվան թիվ 92 դպրոցի աշակերտներին, Ծնողներին և տնօրեն Տիկին Ծովինար Մարդանյանին։ Շնորհակալ ենք մեր մասին հիշելու,մեր համար անհանգստանալու ու հոգ տանելու համար:

Առիթից էլ օգտվեմ, պատմեմ երկու բառով մի մարդու մասին, ումից վերջին 2-3 շաբաթում, ամբողջ կյանքի համար, շատ կարևոր ու անհրաժեշտ բաներ սովորեցի, առանց դասերի կամ լեկցիաների, ուղղակի նայելով։ Կան մարդիք, ում պահվածքին պետքա հետևել ուշադիր, շատ լուռ ու ուշադիր։ Թույլ չեմ տա ինձ ինչ-որ բաներ պատմել իրա մասին, ուղղակի ինքը Արթուրնա, «Շիբ»-ը։

Արթուր հոպարին եկած օրվանից սենց ուրախ չէի տեսել, ու չէ, քաղցրավենիքի համար չէ, աշակերտների գրած նամակներն էին պատճառը, ես հիմա սա եմ գրում, իսկ ինքը արդեն 3-րդ անգամա բարձրաձայն կարդում նամակները հերթով։