Բորելը մեղադրել է Ադրբեջանին Հայաստանի տարածքը օկուպացնելու մեջ

Փնտրում եք բարձր վարձատրվող աշխատանք՝ սեղմեք ԱՅՍՏԵՂ


Եվրոպական միության արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը մեղադրել է Ադրբեջանին Հայաստանի ինքնիշխան տարածքը գնդակոծելու և օկուպացնելու մեջ։ Այս մասին հայտարարել է եվրոպական դիվանագիտության ղեկավարը Ստրասբուրգում Եվրախորհրդարանի լիագումար նիստում։

Իր ելույթում նա ընդգծել է, որ հայ-ադրբեջանական սահմանին վերջին սրացումը ոչ թե ռազմական գործողություններ են վիճելի տարածքում, այլ ներխուժում հայկական տարածք։

«Ադրբեջանը գնդակոծել և գրավել է Հայաստանի տարածքի մի մասը, այն շրջանները, որոնք գտնվում են Հայաստանում, օգտագործում են հրետանի, ինչպես նաև անօդաչու սարքեր։ Այն, ինչ կատարվում է, չափազանց ցավալի է, մոտ 300 զինվոր է զոհվել, 207-ը հայ է։  Սա անհարգալից վերաբերմունք է միջազգայնորեն ճանաչված սահմանների նկատմամբ։ Ուժերն այնքան մոտ են, որ նոր հակամարտության վտանգ կա»,- ասել է Բորելը։

Նա նաև ասել է, որ ԵՄ-ն Ադրբեջանին կոչ է արել հետաքննել հայ ռազմագերիների սպանության տեսագրությունները։

Միաժամանակ նա պաշտպանել է Ադրբեջանի հետ ԵՄ-ի կողմից ձեռք բերված էներգետիկ համաձայնագիրը՝ ասելով, որ «համաձայնագիրը չի գործում ի վնաս մարդու իրավունքների կամ երկրում ծագած այլ ժողովրդավարական խնդիրների»։

Նյութը հրապարակման պատրաստեց Pressmedia.am կայքը