«Ադրբեջանցիներն առանց ցավազրկելու վիրահատել են հայ գերիներին». ՄԻՊ

Փնտրում եք բարձր վարձատրվող աշխատանք՝ սեղմեք ԱՅՍՏԵՂ

ՀՀ մարդու իրավունքների պաշտպան Քրիստիննե Գրիգորյանը հայտարարեց, որ Ադրբեջանի զինվորական հոսպիտալում վատ են վերաբերվել հայ գերիներին: ՄԻՊ-ը նշեց, որ հայ գերիներին հոգեբանական ճնշումների են ենթարկել:

«Առանց ցավազրկելու բժշկական միջամտություններ են կատարել, խոսքը վիրահատությունների, վերքերի մշակման մասին է», - նշեց Գրիգորյանը:

«Բոլոր այս դեպքերը կարտացոլվեն ՄԻՊ-ի փակ զեկույցում՝ առանց անունների, որովհետև մենք չենք ուզում որևէ ձևով թիրախավորել մեր տղաներին», - ընդգծեց նա: Գրիգորյանի խոսքով` Ադրբեջանի ՄԻՊ-ն իր հետ կապի դուրս չի գալիս: Գրիգորյանը մասնավորապես նշեց.

«Ինքս եմ գրել ու խնդրել տեղեկություններ, կոչ եմ արել, որ, որպես ՄԻՊ, պետք է կարողանանք մեր մանդատները ծառայեցնել մարդկանց, ցավոք, ադրբեջանցի կոլեգայից արձագանք չունեմ»:

Գրիգորյանն ընդգծեց՝ գրեթե բոլոր վերադարձած գերիները պատմել են խոշտանգումների ու վատ վերաբերմունքի մասին։ «Վատ վերաբերմունքի դեպքեր են գրանցվել նաև Ադրբեջանի իրավապահ մարմիններում։ Այդ ամենի վերաբերյալ առանձին զեկույց կպատրաստվի», - հավելեց նա։