Հայաստանում Զիկա վիրուսի տարածման վտանգ չկա
Հասարակություն
Հայաստանում Զիկա վիրուսի տարածման և հիվանդացության վտանգ ներկայում չկա: Նշյալ վիրուսը տարածվում է մոծակի այն տեսակի միջոցով, որից Հայաստանում, բարեբախտաբար, չկա: Այս մասին լրագրողների հետ հանդիպմանը հայտարարեց ՀՀ առողջապահության նախարարության
«Երկիրն այ դ մոծակը պետք է ունենա, որ հիվանդությունը տվյալ երկրում տարածվի: Այդ տեսակից մենք Հայաստանում չունենք այսօր: Բայց, իհարկե, մեզ մոտ աշխատանքներ տարվում են, ուղեցույցներ են պատրաստվում վիրուսի մասին, որը կհրապարակվի ու կներկայացվի բնակչությանը»,-«Արմենպրես»-ի փոխանցմամբ` ասաց պաշտոնյան: Նրա հավաստմամբ` հիվանդության կլինիկական նշաններն ի հայտ են գալիս վարակվածներից 20 տոկոսի մոտ, իսկ հիվանդությունը թեթև է ընթանում:
«Հղիների մոտ է ծանր դեպքեր արձանագրվում, ու ներկայում էլ քննարկումներ են գնում, ուսումնասիրու թյուններ կատարվում, թե որքանով է այն ուղիղ ազդեցություն ունենում պտղի վրա, հատկապես, այն, որ սաղմնային վիճակում ուղեղը չի զարգանում: Մենք սպասում ենք Առողջապահության համաշխարհային կազմակերպության տվյալներին»,-տեղեկացրեց Արտավազդ Վանյանը:
Մասնագետը շեշտեց, որ վիրուսը մարդուց մարդու չի անցնում` չնայած, որ վիրուսի` մուտացիայի ենթարկվելու հավանականությունը միշտ կա:
Առողջապահության համաշխարհային կազակերպության եւ Ինֆեկցիոն հիվանդությունների վերահսկողության ու կանխարգելման եվրոպական կենտրոնի պաշտոնական տեղեկատվության համաձայն՝ 2015 թվականի ապրիլից Բրազիլիայում, իսկ այնուհետեւ Հարավային Ամերիկայի մյուս երկրներում նկատվում է Զիկա տենդի արագ տարածում: Այսօրվա դրությամբ Բրազիլիայի 18 նահանգներում հիվանդանալու ավելի քան կես միլիոն դեպք է գրանցված:
1
2
3
4
5
1
2
3
5
1
2
3
4
5
