Մի շաբաթ է Հայաստանի դավաճանների մոտ են եկել Արցախի իշխանությունները. Մկրտչյան

Ասեք տեսնենք մեր հայրենիքը հանձնելու ժամկետները գոնե Ձեզ ասեցի՞ն, թե էլի Հադրութի, Շուշիի, Բերձորի, Աղավնոյի նման տեղը-տեղին մի քանի ժամում տները ազատելու ակցիաներ են պատրաստել:

 

Ինչու մի բառ չեք ասում: Հետո գալիս եք Հայաստանի ընդդիմությունից ի՞նչ եք պահանջում: Դուք անգամ մեզ հետ ազնիվ չեք:

 

Ուղղակի չեմ հասկանում ինչպես կարող եք դավաճաններից ավելի շատ վախենալ, քան հայրենիքի կորստից: Ձեր մունաթն էլ ոչ մի կերպ չեմ կարողանում հասկանալ: Ձեզ, որ հարցուփորձ են անում Արցախում ու Հայաստանում հաստատ դա չեն անում Ձեր որպիսությունը ճշտելու համար: Դուք հո սրանց նման դավաճան չեք, որ մեր հայրենիքի մասին ամեն հարցից ցնցումների մեջ եք հայտնվում:

 

Բա մի ձայն հանեք հասկանանք, թե ինչ արեցիք:

Ձեզ լսեցին, թե` ոչ: Ձեզ պատասխանեցին, թե`ոչ: Իսկ ընդհանրապես Ձեզ հետ գլուխ դրեցին, թե`ոչ:

 

Հիմա Ստեփանակերտի վերածննդի հրապարակ ի՞նչ երեսով եք գնալու:

Չփորձեք փափուկ բարձ դնել, էլի խաբելով, ստելով: Ձեր էս անհասկանալի կրավորականը Ձեզ էլ է արդեն մեղավոր դարձնում։