Կցանկանամ, որ խաղաղության պայմանագիրը կնքվի մինչև այս տարեվերջ․ Փաշինյան
Փնտրում եք բարձր վարձատրվող աշխատանք՝ սեղմեք ԱՅՍՏԵՂ
Ես ցանկանում եմ և կցանկանամ որ այն կնքվի մինչև այս տարեվերջ: Այս մասին այսօր ԱԺ-Կառավարություն հարցուպատասխանին ասաց ՀՀ վարչապետ Նիկոլ Փաշինյանը պատասխանելով ՔՊ պատգամավոր Լուսինե Բադալյանի այն հարցին, թե արդյոք հավանական է, որ խաղաղության պայմանագիրը կնքվի այս տարվա վերջին:
«Ինչքանով է դա իրատեսական՝ ես այդ հարցին կպատասխանեմ հետևյալ կերպ. ես և կառավարությունը բոլոր հնարավոր ջանքերը կգործադրենք, որ դա լինի իրատեսական: Կա մի այսպիսի կարևոր հանգամանք, որ մենք հույս ունենք, և դա կարևոր նրբություն է, որ մինչև խաղաղության պայմանագրի ստորագրումը ավարտված լինեն դելիմիտացիայի աշխատանքները: Ինչքանո՞վ է դա իրատեսական, եթե հաշվի առնենք, որ Պրահայում մենք պայմանավորվածություն ենք ձեռք բերել, որ, ըստ էության, դա տեղի է ունենալու 1991 թվականի սահմանների հիման վրա՝ դա կարող է լինել իրատեսական, որովհետև այդ սահմաններն, ըստ էության, հայտնի են»,- նշեց վարչապետ Փաշինյանը:
Նրա խոսքով, շատ կարևոր է նաև այն հանգամանքը, որ պետք է միջազգայնորեն տեսանելի երկխոսություն սկսվի Լեռնային Ղարաբաղի և Ադրբեջանի միջև.
«Սա շատ կարևոր հանգամանք է և Լեռնային Ղարաբաղի հայության իրավունքների և պաշտպանության որոշակի տեսանելի մեխանիզմներ պետք է լինեն: Շատ լավ կլինի և շատ գոհ կլինեմ, եթե մենք կարողանանք դա անելի: Էլի եմ ասում՝ մեր կողմից մենք պատրաստ ենք գործադրել առավելագույն ջանքերը, որ պայմանագրի կնքումը տեղի ունենա»,- ասաց նա:
1
2
3
4
5
2
3
4
2
3
4
5
