ՌԴ Քննիչները քրեական գործ են հարուցել Կրասնոդարի երկրամասի Տուապսե շրջանի 38-ամյա բնակչուհու նկատմամբ, ով քիչ էր մնացել պատշգամբից ցած նետեր իր երեխային։ Այս մասին Lenta.ru-ին հայտնել են ՌԴ Քննչական կոմիտեի մարզային վարչության մամուլի ծառայությունից։
Նախաքննությունը շարունակվում է երկու ամսական երեխայի սպանության փորձի հոդվածով։ Միջադեպի տեսանյութը հրապարակել է REN հեռուստաալիքը։
Քննիչների տվյալներով՝ Ագոյ գյուղի Գոռնայա փողոցի բազմաբնակարան շենքի յոթերորդ հարկում գտնվող բնակարանում ապրում է մի կին՝ ամուսնու և մանկահասակ երեխաների հետ։ Մայրը վերցրել է երեխային ու կախել բազրիքից։ Կնոջ ավագ դուստրը փորձել է հանգստացնել նրան, հարեւանները նույնպես լսել են երեխայի լացն ու ոստիկանություն են կանչել։ Նրանց հաջողվել է համոզել մորը կանգ առնել և խլել են երեխային նրանից։ Հարևանները կարծում են, որ կինը փորձում էր վրեժ լուծել ամուսնուց, ում հետ նախօրեին վիճաբանություն էր ունեցել, պարզաբանում է KP.RU-ն։
Որոշվել է կնոջը տեղափոխել բժշկական հաստատություն՝ հաշվի առնելով նրա վիճակը։ Հետաքննությունը մտադիր է ստուգել ընտանիքում երեխաների կենսապայմաններն ու դաստիարակությունը։
1
2
3
4
5
1
2
4
5
1
2
3
4
5
