Գյումրիի «Շիրակ»-ը 2-1 հաշվով պարտվել է «Լոս Անջելես Գելաքսի»-ին
Սպորտ
ԱՄՆ-ում հավաք անցկացնող Գյումրիի «Շիրակ»-ը ստուգողական խաղ է անցկացրել MLS-ի ներկայացուցիչ «Լոս Անջելես Գելաքսի»-ի հետ: Ինչպես հաղորդում է «Արմենպրես»-ը հայկական թիմը պարտվել է 1:2 հաշվով: Խաղը կայացել է Կալիֆորնիայի «Ստաբհաբ» կենտրոնում:
Հանդիպման առաջին խաղակեսին «Լոս Անջելես Գելաքսի»-ի կազմում խաղադաշտ են դուրս եկել թիմի առաջատարները՝ Ստիվեն Ջերարդը, Ռոբի Քինն ու Ջովանի Դոս Սանթոսը: Առաջին խաղակեսում, սակայն, գոլեր չեն արձանագրվել:
Երկրորդ խաղակեսում ամերիկյան ակումբը հանդես է եկել այլ կազմով եւ 54-րդ րոպեին բացել է հաշիվը: Այնուհետեւ 74-րդ րոպեին Վիուլեն Այվազյանը հավասարեցրել է հաշիվը՝ պատասխան գնդակ ուղարկելով ամերիկյան թիմի դարպասը: 5 րոպե անց ամերիկացիները մեկ անգամ եւս գրավել են «Շիրակ»-ի դարպասը:
Վարդան Բիչախչյանի թիմի կազմում ԱՄՆ են մեկնել հետեւյալ ֆուտբոլիստները. Դարպասապահներ՝ Նորայր Աբրահամյան, Արմեն Խաչատրյան, պաշտպաններ՝ Արման Հովհաննիսյան, Արտյոմ Միքայելյան, Արման Թադեւոսյան, Միլոշ Ստամենկովիչ, Գեւորգ Հովհաննիսյան, Ռոբերտ Դարբինյան, Աղվան Դավոյան, կիսապաշտպաններ՝ Կաբա Մուհամեդ, Գոռ Մալաքյան, Էդգար Մալաքյան, Կարեն Ալեքսանյան, Արման Ասլանյան, Դրիսա Դիարասուբա, Կուադիո Կլավիուս, Դավիթ Հակոբյան, հարձակվողներ՝ Օդիլոն Կուակու, Արամ Մուրադյան, Վիուլեն Այվազյան:
1
2
3
4
5
1
2
3
4
5
1
3
4
