Էդմոն Մարուքյանն Օմբուդսմենի պաշտոնում կառաջադրի Զարուհի Փոստանջյանի թեկնածությունը
Ուշադրության կենտրոնում
Ազգային ժողովի անկախ պատգամավոր Էդմոն Մարուքյանը պետաիրական հանձնաժողովում պատրաստվում է Մարդու իրավունքների պաշտանի թեկնածուի պաշտոնում առաջադրել «Ժառանգություն» խմբակցության ղեկավար Զարուհի Փոստանջյանի թեկնածությունը: Այս մասին պատգամավորը հայտնեց Մարդու իրավունքների պաշտպանի ընտրության կարգի վերաբերյալ քննարկման ժամանակ իր ելույթում: «Ես ցանկանում եմ հայտնել, որ, որպ ես Ազգային ժողովի պետաիրավական հանձնաժողովի անդամ, Մարդու իրավունքների պաշտպանի թեկնածուի պաշտոնում պատրաստվում եմ առաջադրել Զարուհի Փոստանջյանի թեկնածությունը: Բնականաբար, դա տեղի կունենա նրա համաձայնությամբ, ես արդեն այս հարցի վերաբերյալ զրուցել եմ նրա հետ»,- ընդգծեց Մարուքյանը:
Պատգամավորը բոլոր այն քաղաքական ուժերին և անհատներին, ովքեր խոսում են այլընտրանք ստեղծելու, լավ Օմբուդսմեն ունենալու մասին, առաջարկեց պաշտպանել Զարուհի Փոստանջյանի թեկնածությունը: «Եկեք ձևավորենք այդ այլընտրանքը: Եթե կլինի հնարավորություն, որ նա նշանակվի Մարդու իրավունքների պաշտպանի պաշտոնում, եկեք գնանք այդ քայլին: Ես կարծում եմ, որ նա կարող է լինել Մարդու իրավունքների լավագույն պաշտպանը՝ իր ունեցած փաստաբանական փորձով, խարիզմայով և մարդու իրավունքների վերաբերյալ իր մոտեցումներով»,- ասաց պատգամավորը:
Էդմոն Մարուքյանն ԱԺ նախագահ Գալուստ Սահակյանին առաջարկեց ուղիներ գտնել, որպեսզի պետաիրավական հարցերի մշտական հանձնաժողովում առավելագույն ձայները ստացած ՄԻՊ երկու թեկնածուների օգտին քվեարկություն տեղի ունենա նաև լիագումար նիստում:
1
2
3
4
5
1
2
3
4
5
2
3
