Արցախում ռուս «խաղաղապահների» նախկին հրամանատար Մուրադովին կդատե՞ն

Ցանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա

Պատերազմի ուսումնասիրման ինստիտուտի (ISW) հերթական զեկույցում նկարագրվում է ռուսական զրահատեխնիկայի շարասյան հետ կապված դրվագ, որը, ըստ ռուսական «պատերազմական թղթակիցների» Տելեգրամ ալիքների, ջախջախվել է Ուկրաինայի Ուգլեդարի շրջանում։ ISW-ն այս պատմությունն անվանում է թարմ ցավոտ կետ տեղեկատվական տարածքում: Ռուս պատերազմամետ բլոգերները վրդովված են, որ ավտոշարասյունը դարձել է հեշտ թիրախ պատշաճ ծածկույթի բացակայության պատճառով. ոմանք մեղադրում են գեներալ Ռուստամ Մուրադովին մարտիկների մահվան և տեխնիկայի ոչնչացման մեջ (նրա հրամանատարությամբ ռուսները նոյեմբերին ներխուժեցին Պավլովկա զգալի կորուստներով), մյուսները կոչ են անում հասարակական տրիբունալներ կազմակերպել հրամանատարների համար:

Նման քննադատությունը բնորոշ է ռուս պատերազմամետ բլոգերներին, նշում է ISW-ն. առանձին սպաներին ձախողումների մեջ մեղադրելը շեղում է ուշադրությունը ռուսական զինված ուժերի համակարգային խնդիրներից, մասնավորապես՝ մոբիլիզացվածների վատ պատրաստվածությունից: Ռուս զինվորականները պաշտոնապես չեն մեկնաբանել Ուգլեդարի մոտ առաջխաղացման անհաջող փորձի ժամանակ կորուստները։

Հիշեցնենք, որ Մուրադովը Արցախում ռուս «խաղաղապահների» հրամանատարն էր մինչեւ 2021-ի սեպտեմբեր: Այնուհետեւ նշանակվել է ռուսական զորքերի Արեւելք խմբավորման հրամանատար եւ մասնակցել ուկրաինական պատերազմին։ Մուրադովն Ուկրաինայում առայժմ «աչքի է ընկել» երկու անգամ՝ Պավլովկայի եւ Ուգլեդարի խայտառակ ձախողումներով։

lragir.am