Ինչ փոփոխություններ են եղել հայկական դիրքերում. Նիկոլ Փաշինյանը տեղեկացնում է
Ուշադրության կենտրոնումՑանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա
ՀՀ վարչապետ Նիկոլ Փաշինյանը ․ «2022թ. օգոստոսին Ադրբեջանի և ԼՂ իշխանությունների համաձայնության արդյունքում Լաչինի միջանցքի երթուղին փոխվեց նոր ճանապարհի գործարկմամբ։ Այս մասին այսօր կառավարության նիստից առաջ հայտարարեց ՀՀ վարչապետ Նիկոլ Փաշինյանը՝ տեղեկացնելով, որ որ փոփոխվել է դեպի ԼՂ երթուղին։
«Քանի որ Լաչինի միջանցքը ՀՀ-ին կապող միջանցքն ամբողջությամբ պատրաստ չէր, գործարկվեց ժամանակավոր երթուղի, որը ՀՀ տարածք մուտք էր գործում Կոռնիձորի կամրջով, ապա նորից՝ Ադրբեջանի տարածք, ապա նորից՝ ՀՀ տարածք։ Ձեռք բերված պայմանավորվածության համաձայն՝ այդ երթուղին պետք է գործեր մինչև 2023թ ապրիլի 1-ը։ Նախօրեին մենք տեղեկացրել ենք ադրբեջանական կողմին, որ, համաձայն պայմանավորվածության, Կոռնիձորի կամրջից հետո ճանապարհը շարունակվելու է միայն ՀՀ տարածքով, և ՀՀ սահմանապահ զորքերը ստանձնել են այդ հատվածում ՀՀ պետական սահմանի պահպանությունը։
Ընդգծեմ, որ սահմանապահ զորքերը տեղակայվելու են ՀՀ պետական սահմանին այն նույն դիրքերում, որտեղ մինչ օրս ՊՆ ստորաբաժանումներն են տեղակայված։ Պետք է արձանագրեմ, որ ադրբեջանական լրահոսում հայտնվեցին տեղեկություններ, որով փորձ է արվում տեղի ունեցածը ներկայացնել որպես հերթական «բլոգբաստեր»։ Այս մոտեցումն առնվազն կառուցողական չէ։ Կրկնում եմ՝ հայկական դիրքերի որևէ փոփոխություն այս ամենի արդյունքում տեղի չի ունեցել այն տարբերությամբ, որ մենք մտադիր ենք խնդրո առարկա հատվածի պահպանությունն, ի տարբերություն նախկինի, իրականացնել սահմանապահ զորքերի միջոցով»։
Վարչապետը հույս է հայտնել, որ այս գործընթացը տեղի կունենա առանց սադրանքների. «Ի հեճուկս բոլոր դժվարությունների, ՀՀ կառավարությունն անդադրում վերահաստատում է իր հավատարմությունը խաղաղության օրակարգին։ Հույս ունենք, որ առաջիկայում կոնկրետ տեղաշարժեր կլինեն ինչպես Ստեփանակերտ-Բաքու, այնպես էլ Հայաստան-Ադրբեջան բանակցային ձևաչափում»։
Այս համատեքստում նա կարևորել է միջազգային երաշխիքների և մեխանիզմների գործարկումը։
1
2
3
4
5
1
2
3
4
5
2
3
