Կյանքից հեռացել է Ռաֆայել Սարգսյանը

Ցանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա

Մարտի 30-ին, 70 տարեկան հասակում, կյանքից հեռացել է անվանի ուռուցքաբան, ԵՊԲՀ ուռուցքաբանության ամբիոնի պրոֆեսոր Ռաֆայել Գուրգենի Սարգսյանը:

Այս մասին  հայտնում է ՀՀ ԱՆ  Ֆանարջյանի անվան Ուռուցքաբանության ազգային կենտրոնը։

Ռաֆայել Սարգսյանն իր աշխատանքային գործունեությունը սկսել է 1977 թվականից Ռենտգենաբանության և ուռուցքաբանության գիտահետազոտական կենտրոնում։

1999-2006 թթ․ ղեկավարել է Գլուխ-պարանոցի  բաժանմունքը, 2006-2019 թթ․՝ Ընդհանուր ուռուցքաբանության բաժանմունքը, որտեղ զբաղվել է էնդոկրին համակարգի, փափուկ հյուսվածքների, աղեստամոքսային համակարգի, կրծքագեղձի, մաշկի ուռուցքների բոլոր ծավալների վիրահատական բուժմամբ։

Նա մեծ ավանդ ունի հայկական ուռուցքաբանության զարգացման գործում, կրթել է ուռուցքաբանների մի քանի սերունդ։

Պրոֆեսորը 88 գիտական աշխատանքի հեղինակ է։

Բժշկի հոգեհանգիստը տեղի կունենա մարտի 31-ին՝ 17:00-20:00, «Rotonda» սգո սրահում (հասցե՝ Դավիթ Բեկի 83), հուղարկավորությունը՝ ապրիլի 1-ին՝ 13:00-ին, Հացավան գյուղում ՝ Սարգսյանների ընտանեկան գերեզմանատանը։