Ես կարող եմ ապացուցել, որ որևէ մեկին միջանցք չեմ խոստացել․ Նիկոլ Փաշինյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ադրբեջանն ասում է, որ ԼՂ հարցն իր ներքին հարցն է և ինքը չպետք է դա քննարկի որևէ մեկի հետ: Սա արդյոք մեր վատ և ապաշնորհ քաղաքականության արդյունքն ու հետևանքն է, կարող է՝ այո, կարող է՝ ոչ: 2017 թվականին Սերժ Սարգսյանին հարց են տվել, ասել են, ինչում է խնդիրը, ինչու առաջ չի գնում, ասել է Ադրբեջանը ԼՂ հարցը համարում է իր ներքին հարցը, նաև դա է պատճառը։

ԱԺ արտահերթ նիստում ասաց վարչապետ Նիկոլ Փաշինյանը:

Անդրադառնալով Ադրբեջանի պահանջներին և ընդդիմության մեղադրանքներին՝ վարչապետն ասաց. «Ադրբեջանը խոսում է ինչ-որ միջանցքների մասին, իմիջիայլոց, ես առիթ չեմ ունեցել ասելու, մեր ընդդիմությունը փոխանակ ասի՝ այդ ինչ միջանցքի մասին եք խոսում, ասում է՝ մեզ ասել են, որ խոստացել է, որ միջանցք պետք է տա, հիմա խոստումը չի կատարում, դրա համար են այս բոլոր պրոբլեմները: Ես կարող եմ ապացուցել, որ ես չեմ խոստացել որևէ մեկին նման բան, կարող եմ ապացուցել անհրաժեշտության դեպքում»:

Փաշինյանը նշեց նաև, որ ինչ-որ խոսույթներ են զարգանում կապված ինչ-որ Արևմտյան Ադրբեջանի հետ. «Իրենք ասում են ադրբեջանցիներ են ապրել Հայաստանի տարածքում, Նախիջևանում էլ հայեր են ապրել, Բաքվում են հայեր ապրել, Սումգայիթում են հայեր ապրել, Շահումյանում են հայեր ապրել, այսինքն, այստեղ մենք պետք է հասկանանք՝ ինչ ենք անում: Շատ բարդություններ կան, շատ նրբություններ կան, բայց ֆունդամենտալ հարցը փոխադարձ անվստահությունն է, որն ինչ-որ տեղ երևի բնական է: Խնդիրն այն է, թե ինչ կետի պետք է կանգնել»:

Անդրադառնալով ԼՂ հետագա կարգավիճակի մասին հարցին՝ վարչապետն ասաց. «Ես միևնույնն է, կարծում եմ, որ ԼՂ ապագայի թիվ մեկ շահառուն ԼՂ ժողովուրդն է, իրենց պետք է հնարավորություն տրվի, որ իրենք խոսեն իրենց օրակարգի մասին և այո, մենք պետք է ասենք իրավունքները և անվտանգությունը և այդ խոսակցության ընթացքում պետք է որոշվի, որ իրավունքի մասին է խոսքը, անվտանգության ինչ մեխանիզմների և երաշխիքների մասին է խոսքը»: