Տիմատին 50 հազար դոլար է խոստացել Instagram-ի օգտատերին (ֆոտո)

Life.panorama.am-ը գրում է. 

Instagram-ի օգտատեր Իլյա Սավելեվն իր էջում հրապարակել է  Տիմատիի հետ անձնական նամակագրության  սքրինշոթը, որտեղ երգիչը նրան խոստացել է  50 հազար ԱՄՆ դոլար, եթե այդ գրառումը հավաքի 100 հազար լայք։ Գրառման տակ լայքերի թիվը կազմում էր 900-ից քիչ ավել։

Սավելեվի խոսքերով՝ նա ապրում է Իսրայելում, իսկ փողերը նրան պետք  են «100-տոկոսանոց հաջողակ բիզնես» ծավալելու համար։ «Քո մեջ հրեական արյուն է  հոսում։ Օգնիր եղբոր պես»,- խնդրել է նա Տիմատիին։

Տիմատին մեկնաբանել է, որ սովորաբար չի պատասխանում նման նամակներին։ «Ես այսօր լավ տրամադրություն ունեմ։ Եվ ես խոսք եմ տալիս, որ կօգնեմ քեզ, եթե սա պատճենես և դրանով հավաքես 100 հազար լայք»,- գրել է ռեփերը։

Տիմատիի էջում տեղադրվող նկարները և գրառումները հաճախ դառնում են զլմ-ների քննարկման առարկա։ 2014 թվականի նոյեմբերին նա իր էջում Դիմա Բիլանին վիրավորել էր։ Դա զայրացրել  էր ռուսական շոու-բիզնեսի շատ ներկայացուցիչների։ Բիլանը ցանկանում էր դատի տալ Տիմատիին, բայց հետո կոնֆլիկտը հնարավոր եղավ հարթեել։

Տիմատին հայտնի դարձավ 2004 թվականի «Աստղերի ֆաբրիկա» հեռուստաշոուից հետո։ Նա համագործակցել է բազմաթիվ ռուս և արտասահմանցի երգիչների հետ, իսկ 2012 թվականին նրա «ДавайДосвидания» տեսահոլովակը Youtube-ում  հավաքեց ավելի քան 27 միլիոն դիտում։