Ի՞նչ է պահանջում Ադրբեջանը Լաչինի միջանցքի սահմանակետերի վերաբերյալ․ պարզաբանում է Միրզոյանը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայաստանը տարբերություն չի դնում հարթակների միջև: Խաղաղության գործընթացը մեկն է։ Բանակցություններն էլ ընթանում են միևնույն խաղաղության պայմանագրի նախագծի ու դրա հիմնադրույթների շուրջ։ Շնորհակալ ենք բոլոր մայրաքաղաքներին, որ հարթակ են տրամադրում և փորձում կամրջող դեր խաղալ այս գործընթացում։
Հայաստանի համար հարց չի դրված՝ բանակցել Մոսկվայում, թե Վաշինգտոնում, թե Բրյուսելում։ Բանակցություններն, ըստ էության, մեկն են։

Այս մասին քիչ առաջ Ֆրանսիայի և Հայաստանի ԱԳ նախարարներ Կատրին Կոլոնայի և Արարատ Միրզոյանի մասնակցությամբ մեկնարկած ասուլիսի ժամանակ հայտարարեց Հայաստանի արտգործնախարարը։

«Այն, ինչ Ադրբեջանն է արել և անում Լաչինում, բացարձակապես ապօրինի է, և սա նաև հավաստվում է արդարադատության միջազգային դատարանի միջանկյալ վճռով։ Լաչինի միջանցքի ռեժիմի վերաբերյալ նոր կարգավորման շուրջ բանակցություններում Հայաստանը երբեք չի պատրաստվել և չի պատրաստվում ներգրավվել։ Հայաստանի դիրքորոշումն այն է, որ բոլոր ձեռք բերված պայմանավորվածությունները անխափան և հետևողականորեն կարգավորվեն, որպեսզի հնարավոր լինի Հայաստան-Ադրբեջան հարաբերությունների համընդհանուր կարգավորման գործընթացում ավելի լուրջ ձեռքբերումներ ունենալ։ Լաչինի միջանցքում սահմանակետերի վերաբերյալ ադրբեջանական կողմից հրապարակային պահանջներ կամ առաջարկներ  հնչել են, բայց ես կրկնում եմ այն, ինչ ասացի՝ չենք պատրաստվում ներգրավվել այդ առաջարկների քննարկման մեջ»,- հավելեց Միրզոյանը։