«Ապրելու երկիր» կուսակցության նախագահ Մանե Թանդիլյանի ելույթը

Մենք պետք է գիտակցենք, որ բոլորը դա տեսնում են և մեզ ոչ ոք չի օգնում։ Այսօր էլ, և այն ժամանակ էլ բոլորը տեսել են և ոչ ոք չի օգնել։ Եվ, հետևաբար, ուժ քաղել մեր ժողովրդի ներուժից, մեր վաստակից, մեր որդիներից, մեր մեծանուն հայերից մենք ուղղակի պարտավոր ենք։ Եվ եղեռնի հուշահամալիրը, որ ստեղծել են հայ ժողովրդի արժանի զավակները՝ խորհուրդ է ունեցել։ Նա մեզ պարտադրել է ոչ միայն հիշել՝ ինչ է մեզ հետ կատարվել, այլև՝ ինչպես և ինչու և ինչ պետք է անել, որ դա չկրկնվի։

 

Եվ, արդյոք այստեղի՞ց չեն ծնվել այն մարդիկ և գաղափարները, որոնք հետո պետք է հայոց անկախության, պետականաշինության գործին լծվեն այնպես, ինչպես փորձել են անել նորանկախ ՀՀ-ի ժամանակահատվածում։

 

Ցավոք սրտի, այդ գահավիժումը շարունակվում է նաև այսօր։ Եվ Նժդեհի մարգարեական խոսքերը, որ մենք այն ժամանակ մոռացության ենք մատնել, տեղի է ունենում մեր աչքի առջև։ Ասել է թե՝ «այն ժողովուրդը, որն իր անհրաժեշտ ուժը փորձում է ուրիշ տեղերում գտնել, իրենից դուրս գտնել, նա պատրաստում է իր անկումն ու պարտությունը»։

 

Եվ այսօր ահա, ապավինելով օտարներին, փորձելով նրանց աջակցությունը ստանալ և ապավինելով թշնամու ողորմածությանը՝ մենք նույն ճանապարհի և նույն կործանումն ու անկումն ենք նախապատրաստում։ Բայց, Նժդեհը նաև հույս է տվել, ասել է, որ ժողովրդի վտանգված ապագան վերականգնելու խաղաթուղթը վերադաստիարակումն է։

 

Ասել է թե՝ դասեր քաղել, արժանին մատուցել այն մարդկանց, ովքեր իրենց գործունեությամբ հիմք են դրել մեր մեջ ազատությանն ձգտմանը, պետության գիտակցմանը և այդ նպատակը հետապնդելուն»։

«Ապրելու երկիր» կուսակցության նախագահ Մանե Թանդիլյանը ելույթ է ունեցել «Արթուր Թարխանյան կենտրոնի» և կուսակցության միջև «Երևանի զարգացման նախաձեռնություններ» ծրագրի մեկնարկի վերաբերյալ հուշագրի ստորագրման ժամանակ։