Շրջափակման ընթացքում Արցախ է ներկրվել շուրջ 13 անգամ ավելի քիչ ապրանք
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Շրջափակման 150 օրվա ընթացքում Ստեփանակերտ-Գորիս մայրուղով գրեթե 54 անգամ ավելի քիչ մեքենայի շարժ է արձանագրվել, քան պետք է լիներ առանց շրջափակման:
«Արցախպրես»-ի հաղորդմամբ՝ այս մասին նշված է Արցախի Հանրապետության Մարդու իրավունքների պաշտպանի՝ մայիսի 11-ին հրապարակած արտահերթ եռալեզու զեկույցի թարմացված տարբերակում՝ Ադրբեջանի կողմից Արցախի Հանրապետության հինգ ամսվա (150-օրյա) շրջափակման հետևանքով մարդու անհատական և հավաքական իրավունքների խախտումների վերաբերյալ:
«Նախքան շրջափակումը Ստեփանակերտ-Գորիս մայրուղով երկկողմանիորեն անցնում էր օրական միջինը 920 մեքենա, ինչը նշանակում է, որ 150 օրվա ընթացքում սովորական պայմաններում պետք է արձանագրվեր մեքենայի 138,000 մուտք և ելք, այնինչ շրջափակման ողջ ընթացքում Արցախի բնակիչների ոչ մի մեքենա չի անցել Ստեփանակերտ-Գորիս մայրուղով, այլ՝ միայն Կարմիր խաչի և ռուս խաղաղապահների մեքենաներ՝ ընդհանուր առմամբ 2,558 մուտք և ելք, ներառյալ՝ դատարկ բեռնատարների ելքը Գորիսից հումանիտար բեռներ ներկրելու նպատակով»,-ասված է արտահերթ զեկույցում:
ՄԻՊ-ն արձանագրել է, որ նախքան շրջափակումը Արցախ էր ներկրվում օրական շուրջ 400 տոննա բազմաբնույթ ապրանք՝ մարդկանց կենսական կարիքների բավարարման և տնտեսության գործունեության համար, ինչը նշանակում է, որ 150 օրվա ընթացքում պետք է ներկրվեր շուրջ 60,000 տոննա ապրանք, այնինչ շրջափակման պայմաններում Կարմիր խաչի միջազգային կոմիտեի և ռուս խաղաղապահ առաքելության միջոցով Արցախ է ներկրվել շուրջ 4,623 տոննա ապրանք՝ գերակշիռ մասը սնունդ ու դեղորայք՝ շուրջ 13 անգամ ավելի քիչ, քան իրականում պետք է լիներ:
«Ապրիլի 23-ից, երբ Ադրբեջանի իշխանությունների կողմից Հակարի կամրջի մոտ տեղադրվեց անօրինական հսկիչ անցագրային կետը, մինչ օրս Կարմիր խաչի միջազգային կոմիտեի կողմից հումանիտար բեռափոխադրումներ չեն իրականացվել։ Շրջափակումից առաջ Արցախից արտահանվում էր օրական միջինում ավելի քան 201 տոննա ապրանքանյութական արժեքներ, իսկ շրջափակման ժամանակ ամբողջությամբ կասեցվել է արտահանումը, ինչը նշանակում է, որ 150 օրվա ընթացքում ավելի քան 30,150 տոննա ապրանք չի արտահանվել Արցախից»,-արձանագրել է ՄԻՊ-ն արտահերթ զեկույցում:
1
2
3
4
5
1
2
3
4
1
2
