Ռուբեն Վարդանյանի «Արցախ 2035» տեսլականն ընդդեմ Նիկոլ Փաշինյանի՝ «Հայաստան 2050»-ի

Արցախի անվտանգության և զարգացման ճակատի համակարգող, նախկին պետնախարար Ռուբեն Վարդանյանը այս շաբաթվա ընթացքում հանդիպումներ է ունեցել Ասկերանի և Մարտունու շրջաններում։ Բնակչությանը տեղեկացրել վերջին ամիսներին Արցախի ապագայի տեսլականի ձևավորման ուղղությամբ կատարած աշխատանքների, ճակատի հանրային շարժման ստեղծման նպատակների մասին։ Ըստ Վարդանյանի՝ ձևավորված տեսլականի հիմքում այն նույն նպատակն է, ինչի համար սկսվել է արցախյան շարժումը՝ ունենալ ազատ, անվտանգ, երջանիկ և հայկական Արցախ։ Փորձ է արվում ոչ միայն գնահատել ներկա իրավիճակն ու հետագա քայլերը, այլև հաշվի առնել անցյալի դասերը, ինչը կարևոր է հասկանալու համար ներկա իրավիճակի պատճառները և բացառելու սխալների կրկնությունը։

Ըստ Վարդանյանի՝ ««Արցախ 2035» տեսլականի ընդհանուր նպատակը նույնն է, ինչ 35 տարի առաջ, մենք պետք է ամեն ինչ անենք, որ այդ նպատակը դառնա իրականություն, որ Արցախը մնա անվտանգ, ազատ և հայկական»,- ասել է Ռուբեն Վարդանյանը և հավելել՝ «Մենք սահմանել ենք 6 կարմիր գիծ, որոնց խախտումն անթույլատրելի է, նշել ենք առանցքային մարտահրավերները, դրանց դիմակայելու ճանապարհներն ու այն հիմնասյուները, որոնց վրա պետք է հենվենք մեր պայքարում։ Սրանք ուղղակի հյատարարություններ չեն, ամեն նախադասության տակ կա գաղափար, նպատակ, ճանապարհային քարտեզ»։

Արցախի նախկին պետնախարարը նշել է, թե շարժումը միավորող ու համախմբող կարևոր դեր պետք է խաղա, այն իր շուրջ բազմաթիվ մարդկանց է համախմբել, որոնք հանուն ընդհանուր գաղափարների, նպատակների, հանուն Արցախը հայկական պահելու մի կողմ են թողել իրենց տարաձայնություններն ու հավակնությունները և պատրաստակամություն են հայտնել համատեղ աշխատելու։ Ռուբեն Վարդանյանը՝ ի տարբերություն Նիկոլ Փաշինյանի, որի տեսլականներն ու քայլերը վաղուց արդեն ձախողվել են, բազմիցս ապացուցել է, որ կարող է լուրջ պատասխանատվություն վերցնել և կրել այդ պատասխանատվությունը։ Ի տարբերություն Փաշինյանի և հայկական քաղաքական «իսթեբլիշմենթի» այլ ներկայացուցիչների, որոնց խոսքերի տակ որևէ հիմք չկա, Վարդանյանը ավելորդ խոստումներ չի տալիս, իսկ արտաքուստ համեստ ծրագրերն իրականացնում է ամենայն մարնակրկտությամբ։ 

Ալլա Բարսեղյան