Նիհարում ենք բժիշկների խորհուրդով. ունիվերսալ միջոց

Դժվար է ամբողջ օրը կալորիաներ հաշվել, իսկ դրանք այրելու համար երբեմն ֆիթնեսի ժամանակ չի լինում: Իհարկե Cosmo-ն պատրաստտ է օգնության հասնել իր տարբերակներով: Անձնական փորձից ելնելով` հավատտացնում եմ, որ այս սննդակարգով դու անվերադարձ կկորցնես 1 կգ երկու օրում:

Շատ լավ տարբերակ ապացուցելու, որ կարիք չկա սոված մնալով տանջել օգանիզմը ու խախտել մարսողական համակարգը:
Պետք է բաց չթողնել թե նախաճաշը, թե ճաշը ու թե ընթրիքը: Գաղտնիքը նրանում է, որ ընդունած սնունդի ծավալը չպետք է գերազանցի միջին չափի թեյի բաժակը (մոտ 150գ):

Ինչ վերաբերում է հացին ու քաղցրավենիքին, ցանկալի է չգերազանցել մեկ կտորը, ու, անկեղծ եղիր ինքդ քեզ հետ, այդ կտորը չպետք է լինի մեկ ամբողջական հացի կեսի չափ: Երեք անգամյա սնունդը պետք է ավարտվի երեկոյան ժամը 7-ին: Ինչպես և ցանկացած աղջիկ, երեկոյան դու ուզում ես որևէ «համով բան» ուտել, թող դա լինի մեկ յոգուրտը, որը կարող ես ուտել ամենաուշը քնելուց 2 ժամ առաջ, այն մարսել հասցնելու համար: Շուկայում կա յոգուրտների այնքան մեծ տեսականի, որ կարող ես ամեն օր նորը փորձել, ինչը նույնիսկ հետաքրքրություն կառաջացնի:

Ամեն ինչ շատ պարզ է. մոտ 3 ժամը մեկ ուտելով չես հասցնում շատ սովածանալ, ու ուտելուց շուտ ես կշտանում: Մեկ բաժակի չափ ուտելով փոքրացնում ես ստամոքսը, ինչի շնորհիվ հետագայում ստիպված չես լինի հատուկ հետևել սննդի քանակին: Սրա շնորհիվ գիշերվա քունը դառնում է ավելի հանգիստ, իսկ առավոտները բացվում թեթևության զգացումով:

Սակայն չափը պետք է ճանաչել ոչ միայն սննդի քանակի, այլ նաև նիհարելու ցանկության հարցում: Ամենից առաջ նախ համոզվիր` արդյո՞ք դա պետք է քեզ:

Խարհրդատվությունը` բժշկական գիտությունների դոկտոր` Արա Կարապետյան