Ռուբեն Վարդանյանի նոր նախագիծը ծայրաստիճան կարևոր է, հատկապես հիմա
Լեռնային Ղարաբաղում հումանիտար իրավիճակը ծայրաստիճան լարվել է։ Նախօրեին տեղի ունեցած իրադարձություններից հետո Ադրբեջանը կտրել է Արցախի կապը աշխարհի հետ և անգամ սովորական սննդամթերք չեն կարողանում առաքել Արցախ ռուս խաղաղապահների միջոցով։ Էլ չասած, որ Կարմիր խաչն արդեն 2 օր չի կարողանում որևէ մեկին տեղափոխել Հայաստան՝ բուժման նպատակով։
Նման իրավիճակում, երբ Արցախում հումանիտար ճգնաժամը սրվել է, առաջին պլան են գալիս կարևոր մարդասիրական քայլերը։ Արցախի անվտանգության և զարգացման ճակատի համակարգող, նախկին պետնախարար Ռուբեն Վարդանյանի հերթական նախաձեռնությունը չափազանց կարևոր է այս առումով։
«Մենք ենք մեր սարերը» գործակալության նախաձեռնությամբ՝ Արցախի Մարտունու շրջանի գյուղական համայնքների 160 բնակիչ արդեն օգտվել է առաջնային բուժօգնության շարժական ծառայություններից։ Ավելի քան մեկ ամիս է, ինչ ժամանակակից բժշկական սարքավորումներով հագեցած առաջին մեքենան հնարավորություն է տալիս բժիշկներին, հենց գյուղերում բուժօգնություն ցուցաբերել առողջության հետ կապված խնդիրներ ունեցող բնակիչներին։
Ռուբեն Վարդանյանի գնահատմամբ՝ ծրագիրն այս ընթացքում ցույց է տվել իր արդյունավետությունը, հաշվի առնելով դրա կարևորությունը, մյուս ամսվանից գործակալույթունը նախատեսում է գործարկել շարժական արդեն երկրորդ բրիգադն, ինչը թույլ կտա, որպեսզի համայնքներում բնակիչները կանոնավոր կերպով կարողանան օգտվել առաջնային բուժօգնության ծառայությունից, ժամանակին հետազոտվեն և կանխեն լուրջ խնդիրների առաջացումը։
Ինքը՝ նախկին պետնախարարը, փաստում է, որ այս ծրագրի իրականացման գաղափարը ծագել է շրջափակման ժամանակ, երբ վառելիքի սղության պատճառով մարդիկ շատ հաճախ չէին կարողանում բժշկական առաջնային ծառայություն ստանալու համար հասնել Ստեփանակերտ։ Նախկին պետնախարարի այս սոցիալական և մարդասիրական կարևոր քայլը վկայում է, որ Ռուբեն Վարդանյանը խորապես հասկանում է Արցախի խնդիրները, և բոլոր ջանքերը ներդնում դրանց լուծման ուղղությամբ, ինչը փաստենք հատկապես ստեղծված իրավիճակում չափազանց կարևոր և նշանակալից է։
Մարինե Անտոնյան
1
2
3
4
5
1
2
3
4
5
1
2
5
