Կիևի գաղտնի ծրագրի մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Միացյալ Նահանգների Կենտրոնական հետախուզական վարչության ղեկավար Ուիլյամ Բերնսը Ուկրաինա կատարած ոչ հրապարակային այցի ընթացքում հանդիպել է նախագահ Վոլոդիմիր Զելենսկու և Ուկրաինայի հետախուզության ղեկավարության հետ, հայտնում է The Washington Post-ը։

Թե կոնկրետ երբ է եղել այցը, թերթը չի նշում։ Ըստ հրապարակման աղբյուրի՝ դա տեղի է ունեցել «վերջերս»։ Բերնսը բազմիցս այցելել է Ուկրաինա՝ Ռուսաստանի հետ հակամարտության սկզբից ի վեր, այդ թվում՝ 2022 թվականի նոյեմբերին և 2023 թվականի հունվարին։

Այցի նպատակն էր վերահաստատել Ջո Բայդենի վարչակազմի հանձնառությունը հետախուզական տեղեկատվության փոխանակման հարցում՝ օգնելու Ուկրաինային պաշտպանել իրեն:

Կիևը հրապարակայնորեն իր դժգոհությունն է հայտնում արևմտյան գործընկերների կողմից հակահարձակման տեմպերի վերաբերյալ քննադատության կապակցությամբ, նշում է WP-ն։ Միաժամանակ, ըստ հրապարակման, մասնավոր զրույցում Ուկրաինայի իշխանությունները Բերնսին «լավատեսական վստահություն են հայտնել մինչև աշուն նշանակալի տարածքներ վերադարձնելու նպատակի վերաբերյալ»։

Ուկրաինայի ղեկավարությունը ծրագրում է հրետանային և հրթիռային համակարգեր տեղափոխել Ղրիմի հետ սահմանային գիծ, ​​շարժվել դեպի Արևելյան Ուկրաինա, իսկ հետո բանակցություններ սկսել Մոսկվայի հետ։

Ըստ հրապարակման զրուցակիցների՝ Կիևը կարող է հրաժարվել Ղրիմը «ուժով վերցնելու» ծրագրերից և դրա դիմաց Մոսկվայից պահանջել ընդունել անվտանգության ցանկացած երաշխիք, որ Արևմուտքը պատրաստ է տրամադրել Ուկրաինային։

Դեռ պարզ չէ՝ կկարողանա՞ արդյոք Ուկրաինան այդքան կարճ ժամանակում իրականացնել իր ծրագրերը, նշում է Washington Post-ը։ Բացի այդ, Ուկրաինայի կառավարությունը պնդում է, որ ԱՄՆ-ն և Եվրոպան պարտավորվեն Ուկրաինայի՝ ՆԱՏՕ-ին և Եվրամիությանն անդամակցելու հարցում, սակայն Վաշինգտոնն ու եվրոպական երկրները «սառն են վերաբերվում այս գաղափարին», գրում է WP-ն։