Մխիթարյան, Ռոյս, Օբամեյանգ եռյակը շրջափակման մեջ կլինի «Հերտա»-ի հետ հանդիպման

Դորտմունդի «Բորուսիան» Բունդեսլիգայի 2015-2016 մրցաշրջանի 20 -րդ տուրի հանդիպումը կանցկացնի Բեռլինի «Օլիմպիաշտադիում» մարզադաշտում՝ հյուրընկալվելով Բեռլինի «Հերտա» թիմին:  

Ինչպես տեղեկացնում է «Արմենպրես»-ը,  Հայաստանի ֆուտբոլի հավաքականի ավագ և «Բորուսիա Դորտմունդ» ակումբի հարձակվողական ոճի կիսապաշտպան Հենրիխ Մխիթարյանը հայտավորված է մեկնարկային կազմում:

Թոմաս Տուխելը խաղադաշտ դուրս կբերի իր մարտական կազմը՝ 4-1-2-3 մարտավարությամբ:  «Բորուսիա Դորտմունդ » -ի  դարպասը կպաշտպանի Ռոման Բյուրկին, պաշտպանությունում կխաղան Հյումելսը և Սոկրատիսը, իսկ կենտրոնում՝ Պիսչեկը և Շմելցերը ՝ համապատասխանաբար աջ, և ձախ եզրերում: Մեկ ետ քաշված կիսապաշտպան Վայգելը կխաղա կենտրոնում, Գյունդողանը և Կագավան՝ ավելի առաջ քաշված դիրքում: Մխիթարյան, Ռոյս, Օբամեյանգ եռյակը շրջափակման մեջ կլինի:

Բեռլինի «Հերտա» թիմի գլխավոր մարզիչ Պալ Դարդաին դորտմունդյան եռյակին կփորձի խոչընդոտներ ստեղծել իր 4 պաշտպաններով և 2 ետ քաշված կիսապաշտպաններով և իր կիսադաշտում կփորձի լիարժեք տիրել գնդակին: 4-2-3-1 մարտավարությամբ միայն հակագրոհները կարող են «Հերտա» -ին հաջողություն բերել:  «Բորուսիա Դորտմունդ» -ի հարձակվողները կխաղան 3-ը 6-ի դեմ: Մխիթարյանը կխաղա առաջ քաշված կիսապաշտպանի դիրքում, թիկունքից օգնության կգան Գյունդողանն ու Կագավան: Գաբոնցի հարձակվող Պիեր- Էմերիկ Օբամեյանգը կխաղա ՝ առաջ քաշված հարձակվողի դիրքում: Տուխի թիմը նման դասավորվածությամբ փորձելու է ճեղքել հակառակորդ թիմի պաշտպանությունը՝ եզրերով և հեռահար հարվածներով:

2006 թվականի նոյեմբերի 18-ից  ի վեր այս թիմերը հանդիպել են 14 անգամ: Դորտմունդցիները տոնել են վեց ,իսկ  «Հերտա» -ն 5 հաղթանակ: Ոչ-ոքի գրանցվել է 3հանդիպումներում: Բունդեսլիգայի 2015-2016 թ. մրցաշրջանի 3-րդ տուրի «Հերտա» -ի հետ հանդիպումը  «Բորուսիա Դորտմունդը» հÕ ղթել  է  3:1 հաշվով, որտեղ90+3 րոպեին Մխիթարյանի փոխանցումից հետո հաջողության հասավ Ադրիան Ռամոսը:

Այս խաղի համար բոլոր տոմսերը վաճառված են 74.500  ակնդիր 74.166 տեղանոց մարզադաշում: