Արցախում մարդիկ պետք է զգան, որ իրենք միայնակ չեն. Ռուբեն Վարդանյան
«Արցախում մարդիկ պետք է զգան, որ իրենք միայնակ չեն, այլ իրենց թիկունքում ունեն 10 միլիոն հայերի աջակցությունը»։ Արցախի նախկին պետնախարար, Արցախի անվտանգության և զարգացման ճակատի համակարգող Ռուբեն Վարդանյանն այդ մասին ասել է Ֆրանսիայի հայկական ռադիոկայաններից մեկին տված իր հարցազրույցում։
Ըստ Վարդանյանի՝ Արցախ-Հայաստան-Սփյուռք համախմբումը դժվար աշխատանք է պահանջում բոլոր կողմերից։ «Բայց հավատացեք, որ առանց դրա մենք չենք կարող հաղթել Արցախի համար այս ծանր գոյամարտում, այս ճանապարհը մենք միասին պետք է անցնենք»,- նշել է Ռուբեն Վարդանյանը։
Իսկապես, 44-օրյա պատերազմից հետո տարանջատումը հասել է ահռելի և վտանգավոր չափերի։ Հայաստանում այսօր փաշինյանական ռեժիմի գործուն աջակցությամբ ամեն ինչ անում են արցախցուն և հայաստանցուն տարանջատելու, սեփական հայրենիքի մի կտորն Ադրբեջանին նվիրելու համար, ոչ պակաս դավաճանական է Հայաստանի իշխանությունների քայլերը նաև Սփյուռքի հանդեպ։
Մի շարք սփյուռքահայերի մուտքը հայրենիք նույնիսկ արգելվել է Ազգային անվտանգության ծառայության կողմից։ Եվ այս պայմաններում Արցախից հնչող այս ողջամտության ձայնը կարող է լուրջ ազդակ դառնալ, որպեսզի մարդիկ ի վերջո հասկանան և գիտակցեն, թե ինչ հետևանքներ է ունենալու փաշինյանական վարչախմբի հետագա կառավարումը Հայաստանում։
Եվ բնավ զարմանալի չէ, որ նման նախաձեռնությամբ հանդես է գալիս ոչ այլ ոք, քան Արցախի նախկին պետնախարար Ռուբեն Վարդանյանը, ով իր պաշտոնավարման կարճ ընթացքում արդեն հասցրել էր լուրջ փոփոխություններ իրականացնել Արցախում, իսկ այսօր էլ ղեկավարում է Արցախի հիմնական ընդդիմադիր և պայքարի պատրաստ ուժը՝ Արցախի անվտանգության և զարգացման ճակատը։ Հենց այդ ճակատի գործունեության շնորհիվ է, որ այսօր Արցախում մարդիկ պատրաստ են պայքարի, թերևս, սակայն, միայն Արցախով անհնար է, Հայաստանը և սփյուռքը պետք է միանան այդ պայքարին, ոտքի կանգնեն և ի վերջո Հայաստանը դուրս բերեն ազատ անկման հորձանուտից։
Անահիտ Սարատիկյան
1
2
3
4
5
1
2
3
4
5
1
2
5
