Պոլիէթիլենային տոպրակով մատուռում լքված նորածնի մայրիկին մեղադրանք է ներկայացվել
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Արդեն տեղեկացրել էինք, որ ՀՀ Գեղարքունիքի մարզի Մարտունի համայնքի Ներքին Գետաշեն բնակավայրում, տներից մեկի մոտ հայտնաբերված, ավելի ուշ Երևանի «Մուրացան» բժշկական կենտրոնում մահացած նորածին երեխայի կենսաբանական մայրը հայտնաբերվել էր։ Այս մասին հայտնում է ՀՀ ՔԿ նախագահի մամուլի խոսնակ Գոռ Աբրահամյանը։
«Այս դեպքի առթիվ ՀՀ քննչական կոմիտեի Գեղարքունիքի մարզային քննչական վարչության Մարտունու քննչական բաժնում քննվող քրեական վարույթի շրջանակներում նշված կնոջ նկատմամբ հարուցվել է հանրային քրեական հետապնդում և նրան այսօր ներկայացվել է մեղադրանք՝ ՀՀ քրեական օրենսգրքի 247-րդ հոդվածի 2-րդ մասի հատկանիշներով (Երեխայի կյանքի անվտանգության ապահովման կամ առողջության պահպանման պարտականությունը չկատարելը կամ ոչ պատշաճ կատարելը, որը առաջացրել է երեխայի մահ կամ առողջությանը ծանր վնասի պատճառում կամ այլ ծանր հետևանք)։
Նրա նկատմամբ որպես խափանման միջոց է ընտրվել բացակայելու արգելքը։
Հարկ եմ համարում տեղեկացնել, որ նախաքննության շահերից, ինչպես նաև անձնական և ընտանեկան կյանքի անձեռնմխելիության սկզբունքից ելնելով՝ անձի ինքնության, դեպքի հանգամանքների վերաբերյալ տեղեկատվություն չի տրամադրվում։
Հ․Գ․ Կարևորելով նման դեպքերի լուսաբանման անհրաժեշտությունը՝ այդուհանդերձ, գործընկեր լրագրողներին և լրատվամիջոցներին հորդորում եմ թեմային անդրադառնալու մասնագիտական պարտականությունների կատարման ընթացքում ևս առաջնորդվել նշված սկզբունքներով։ Այդ կերպ փորձենք հավասարակշռել հանրային և մասնավոր շահերը»։
1
2
3
4
5
1
2
3
4
5
2
3
4
