Բանակում մահացած Գրանիկ Խնկոյանը տան առաջնեկն էր՝ Շիրակի Բենիամին գյուղից
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Գրանը նոր էր զորակոչվել բանակ՝ հունվար ամսին,ծառայությունից շատ չափազանց շատ գոհ էր։ Այս մասին 24News-ի հետ զրույցում պատմեց երեկ` օգոստոսի 11-ին դեռևս չպարզված հանգամանքներում հրազենային մահացու վիրավորում ստացած Գրանիկ Խնկոյանի համադասարանցին` Սուսաննա Սերոբյանը:
Գրանիկ Խնկոյանը Շիրակի մարզի Բենիամին գյուղից էր, տան առաջնեկը, իրենից փոքր ևս երկու եղբայր ունի: Մի քանի օրից` օգոստոսի 31-ին 19-ամյակը կլրանար:
«Յուրահատուկ անձնավորություն է Գրանը անցյալով չեմ կարող խոսել իր մասին,լավագույն ընկեր ,հարազատ մարդ ինձ համար։ Դպրոցում և ոչ միայն, աչքի էր ընկնում իր համեստությամբ, չափվածությամբ։ Ցանկացած հարցում անկախ էն փաստից սխալ ես, թե ճիշտ միշտ կանգնած էր բոլորիս կողքին»,- պատմում է համադասարանցին։
Սուսաննայի խոսքով վերջին անգամ Գրանիկին տեսել է հունիսի 26-ին իր զինվորական արձակուրդի վերջին օրը. «Ամսի 27-ին պետք է նորից վերադառնար իր ծառայությանը։ Ես գյուղում չէի, բայց ամեն օր նա գրում էր` իմանար թե ես, երբ եմ գալու տուն, որ ընկերներով հավաքվենք ու հիշենք մեր լավագույն օրերը։ Վերջին հանդիպման ժամանակ,երբ խոսում էինք նա լրիվ փոխվել էր ավելի էր կատարելագործվել իր տեսակի մեջ, ամեն բառ ասելուց հասկանում էիր որ իր մեջ կյանք կա շատ կյանք կա` սիրում էր կյանքը անասելի շատ։ Երբ արդեն հրաժեշտ էինք տալիս իրար երեկոյան ես առաջարկեցի միասին նկարվել նա ասաց ՝ «Արեք- արեք նկարվինք մեկ է եսիմ երբ գամ օտպուսկ»,- հիշում է Սուսաննան:
Դասընկերուհին հիշում է, որ պլանավորում էին` հանդիպելու են մի քանի տարի անց, բայց արդեն իրենց ընտանիքներով. «Սակայն բոլորիս նպատակները և երազանքները իր հետ կապված մնացին անկատար»,- ասաց Սուսաննան, հավելելով. «Այսօր էլ գնալու ենք իրեն այցելության մեր ընկերներով, մեր դասղեկի գլխավորությամբ՝ բացակայությամբ Գրանի»:
Գրանիկ Խնկոյանն այս տարի ընդունվել էր Շիրակի պետական համալսարան` Ֆիզիկական դաստիարակություն և սպորտային մարզումներ բաժինը, ծառայությունն ավարտելուց հետո շարունակելու էր ուսումը:
1
2
3
4
5
1
2
3
4
5
5
