1 զոհ, 57 վիրավոր. նոր մանրամասներ գազալցակայանի պայթյունից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին


Առնվազն 1 մարդ է զոհվել, ևս 57-ը, այդ թվում՝ 39 հրշեջ, վիրավորվել է շաբաթ օրը Ռումինիայի մայրաքաղաք Բուխարեստին մերձակա հեղուկ գազի լցակայանում տեղի ունեցած երկու պայթյունի հետևանքով։ Գրել է Al Jazeera-ն։

Կառավարության տվյալներով՝ հրշեջները տուժել են երկրորդ պայթյունի հետևանքով, երբ նրանք օգնում էին մարել հրդեհը մայրաքաղաքից դեպի հյուսիս Կրևեդիա կոմունայում:

Ըստ հիվանդանոցի ներկայացուցիչների և տեղական լրատվամիջոցների՝ վիրավորներից առնվազն 10-ի վիճակը ծանր է:

Ռումինիայի արտակարգ իրավիճակների տեսչությունը հայտնել է, որ դեպքի վայրում է եղել մոտ 25 հրշեջ մեքենա։

Վարչապետ Մարչել Չոլակուն լրագրողներին ասել է, որ բուժման համար վիրավորները, հնարավոր է, տեղափոխվեն արտերկիր։

Ըստ նրա՝ շատ հավանական է, որ չորսն այս գիշեր տեղափոխվեն Իտալիայի և Բելգիայի հիվանդանոցներ։

Պայթյունից հետո Չոլակուն մասնակցել է Ներքին գործերի նախարարությունում տեղի ունեցած հանդիպմանը:

Նախարարության տվյալներով՝ 800 մետր շառավիղով տարհանվել է մոտ 3000 մարդ:

Ռումինիայի գլխավոր դատախազության քրեական հետախուզության և դատաբժշկական փորձաքննության վարչությունն ընդունել է 2023 թվականի օգոստոսի 26-ի ցերեկը Դիմբովիցա շրջանի Կրևեդիա գյուղում տեղի ունեցած պայթյունի գործը։

Նախաքննությունը կատարվում է գույքը դիտավորությամբ ոչնչացնելու (Քրեական օրենսգրքի 255-րդ հոդվածի 1-ին և 2-րդ մասեր) հատկանիշներով։

Ավելին՝ այստեղ