Ինչն է հեռու պահում քաղցկեղից.100 %-անոց լավագույն բուժումը դրա դեմ(լուսանկարներ)

 PressMedia.am

Քաղցկեղը բնակչության մահացության հիմնական պատճառն է և առաջ է անցնում սրտի և ուղեղի անոթային հիվանդություններից։ Սակայն քաղցկեղը հիվանդություն է և ո´չ դատավճիռ, քանզի քաղցկեղածին բջիջների վաղ հայտնաբերումը հնարավորություն է տալիս պայքարել այս հիվանդության դեմ և հասնել 100%-անոց արդյունքի։ Իսկ դրա համար անհրաժեշտ է գոնե տարին 1 անգամ անցնել պրոֆիլակտիկ ստուգում, հետևել բժիշկների խորհուրդներին։ Այսպիսով, պահպանելով առողջ ապրելակերպի նորմերը` հնարավոր է խուսափել շատ հիվանդություններից, այդ թվում նաև քաղցկեղից։

Քաղցկեղը, էպիթելային հյուսվածքից ծագող չարորակ ուռուցք է, որին բնորոշ է բջիջների ինքնավար և անվերադարձ աճը։ Քաղցկեղը հայտնի է շատ հին ժամանակներից։ Գիտնականները շագանակագեղձի քաղցկեղի հետքեր են հայտնաբերել ավելի քան 2200 տարի առաջ ապրած մումիֆիկացված տղամարդու մոտ։ Կահիրեի ամերիկյան համալսարանի պրոֆեսսորները քաղցկեղային բջիջներ ու մետաստազներ են հայտնաբերել մումիայի մոտ։ Մասնագետները գրեթե 2 տարի ուսումնասիրել են այդ մնացորդներն ու եզրակացրել, որ տղամարդը մահացել է 40 տարեկանում` շագանակագեղձի քաղցկեղից։ Բացահայտումը թույլ է տվել եզրակացնել, որ հիվանդության պատճառը տվյալ դեպքում գենետիկ նախատրամադրվածությունն է եղել։ 

Քաղցկեղի վաղ հայտնաբերման և ժամանակին բուժման շնորհիվ հնարավոր է ստանալ կայուն բուժական արդյունք։ Բուժումը պետք է լինի համակցված, կիրառվում են վիրաբուժական, ճառագայթային և դեղորայքային բուժման տարբեր եղանակների զանազան զուգորդումներ։ Հիվանդության ելքը պայմանավորված է քաղցկեղի կլինիկական և հյուսվածաբանական տեսակներով, քաղցկեղային բջիջների տարբերակման աստիճանով, ինչպես նաև ուռուցքի տեղակայումով։ Հիվանդության ելքի վրա մեծ ազդեցություն ունի հիվանդ օրգանիզմի իմունաբանական վիճակը (արտահայտված ընկճվածության դեպքում հիվանդության ելքն անբարենպաստ է)։

Ներկայումս քաղցկեղի բուժման հիմնական միջոց է հանդիսանում քիմիոթերապիան։ Ինչպես գիտենք, ուռուցքը տիպիկ պաթոլոգիական պրոցես է, դա չկանոնավորվող անսահման հյուսվածքային աճ է, որը կապված չէ վնասված օրգանի, հյուսվածքի և նրա ֆունկցիայի հետ, ունի ինքնավար առանձնահատկություն և ժառանգական փոխանցման հատկություններ։ Քիմիոթերապևտիկ միջոցները անմիջականորեն չեն սպանում քաղցկեղային բջիջները, այլ միայն խանգարում են դրանց բաժանմանը։ Քիմիոթերապևտիկ միջոցների նշանակման համար անհրաժեշտ է իմանալ դրանց ազդեցության սկզբունքները։ Տարբերում ենք 4 սկզբունք.

• դեղամիջոցներ, որոնք ազդում են նուկլեինաթթուների և սպիտակուցների կենսասինթեզի վրա
• դեղամիջոցներ, որոնք ազդում են ԴՆԹ-ի կրկնօրինակման և տրանսկրիպցիայի վրա
• դեղամիջոցներ, որոնք ազդում են միտոզի վրա
• դեղամիջոցներ, որոնք օժտված են կոմպլեքսային, սակայն համակարգված ազդեցությամբ, որոնց թվում են հորմոնների մեծ մասը և հորմոնալ ազդեցությամբ պրեպարատները։

Սակայն մինչև քիմիոթերապիայի հասնելը օրգանիզմն ինքն է սկսում պայքարել քաղցկեղային բջիջների դեմ։ Սկսում է աշխատել իմուն համակարգը և օրգանիզմում ընթանում են իմունաբանական պրոցեսներ։

ՈՒռուցքային բջիջների հայտնաբերման և չեզոքացման մեջ դեր ունեն լիմֆոցիտները։ Նրանք կազմում են լեյկոգրամի 20-40%-ը։ Լիմֆոցիտներն անընդհատ շրջում են մի հյուսվածքից մյուսը։ Իմունոլոգիական հիշողություն ունեցող լիմֆոցիտները ապրում են 10-20 տարի։ Լիմֆոցիտներն իմունիտետի գործող բջիջներն են։ Նրանք վնասազերծում են օրգանիզմ ներթախանցած օտար գենետիկական տեղեկատվություն ունեցող բջիջները։

Ինչն է հեռու պահում քաղցկեղից: Մթերքներ, որոնք շատ օգտակար են.

Գիտական հետազոտությունները երկար տարիներ շարունակ ապացուցել են, որ որոշ մրգերը, բանջարեղենը եւ այլ առողջարար մթերքները կարող են պաշտպանել ձեզ քաղցկեղից։ 

Լոլիկը հարուստ է վիտամիններով և հանքանյութերով, ունի պաշտպանական մեխանիզմ սրտանոթային հիվանդությունների դեմ: Մեկ լոլիկը պարունակում է 40% վիտամին C, որը բնական հակաօքսիդանտ է և պայքարում է քաղցկեղածին ազատ ռադիկալների դեմ:

Դեղձը  կանխարգելում է քաղցկեղը: Այն սննդարար նյութերի և վիտամինների մեծ աղբյուր է հանդիսանում: Այն պարունակում է վիտամիններ` A, C, E, K, B1, B2, B3 B6, ֆոլիաթթու:

Թեյը պարունակում է շատ հակաօքսիդանտային պոլիֆենոլներ, այդ թվում նաեւ կատեխին եւ ֆլավոնոիդ։ Ըստ USDA-ի մեկ բաժակ կանաչ թեյը իր մեջ ներառում է այնքան քանակությամբ ֆլավոնոիդներ, որքան առկա է հինգ բաժակ կարմիր գինու կամ տասը խնձորի մեջ։ Կատեխինները, որոնք հզոր միջոցներ են հատկապես քաղցկեղի դեմ:

Ամբողջական ձավարեղենը ներառում է հակաօքսիդանտներ, բայց վարսակը ամենից շատ պարունակում է ֆիտոքիմիական նյութեր, որոնք կօգնեն կանխել բորբոքումների առաջացումը օրգանիզմում։ 

Ելակը պարունակում է մեծ քանակությամբ էլլագաթթու, որը, ինչպես ցույց են տվել ուսումնասիրությունները, քայքայում է որոշ քաղզկեղածին նյութեր եւ օգնում է կանխել թոքերի, կրծքագեղձի, միզապարկի, կերակրափողի եւ մաշկի քաղցկեղները։

Եվ մի շարք վիտամիններով հարուստ մթերքներ, որոնք կբարձրացնեն Ձեր իմունիտետը և հեռու կպահեն տարբեր հիվանդություններից:

Եղեք առողջ: