ԱՄՆ օգնությունը Հայաստանին ուղղված է հակառուսական ցատկահարթակի ստեղծմանը. Սլուցկի
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ-ի Սենատում Եվրոպայի և Եվրասիայի հարցերով պետքարտուղարի օգնականի պաշտոնակատար Յուրի Քիմի հայտարարությունները անվտանգության ոլորտում Հայաստանին աջակցելու և Միացյալ Նահանգների հետ համագործակցության մասին ուղղված են Անդրկովկասում հակառուսական ցատկահարթակի ստեղծմանը: Այս մասին Պետդումայի միջազգային հարցերով հանձնաժողովի նախագահ Լեոնիդ Սլուցկին։
Ինչպես հաղորդվում է լրատվամիջոցներում, Յուրի Քիմն ասել է, որ Միացյալ Նահանգները պետք է հնարավորինս ընդլայնի Հայաստանի զարգացմանը, պաշտպանությանը և անվտանգությանն ուղղված աջակցությունը։
«Յուրի Քիմը ԱՄՆ Սենատի արտաքին հարաբերությունների հանձնաժողովում լսումների ժամանակ հայտարարեց, որ խոսակցությունը պետք է լինի «ԱՄՆ-ի, այլ ոչ թե Ռուսաստանի հետ Հայաստանի գործընկերության մասին»: Այժմ Վաշինգտոնը պատրաստ է «օգնել» Երևանին՝ ակնհայտորեն երազելով Անդրկովկասում հակառուսական նոր ցատկահարթակ ստեղծելու մասին»,- նշել է Սլուցկին։
Նա ընդգծել է, որ նմանատիպ օգնություն է առաջարկվել Կիևին. «Այժմ Ուկրաինան վերածվել է ԱՄՆ-ի խամաճիկի՝ կորցնելով իր ինքնիշխանությունը և կորցնելով իր բազմաթիվ քաղաքացիների»:
«Արտասահմանյան «հովանավորությունը» օգուտ չի տվել աշխարհի ոչ մի երկրի՝ բերելով միայն դժբախտություն ու վիշտ, արյուն ու ավերածություններ, և ահա թե ինչի են հանգեցնում ամերիկյան ճանապարհով «գործընկերությունը» և «զարգացման աջակցությունը» ի վերջո»,- եզրափակել է նա։
1
2
3
4
5
1
2
4
5
1
2
3
4
5
