Ժամանակն է պատժամիջոցներ կիրառել Ադրբեջանի ղեկավարի դեմ. ֆրանսիացի պատգամավոր

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԵՄ դիվանագիտությունը չկարողացավ արդյունավետորեն արձագանքել Լեռնային Ղարաբաղի շուրջ ստեղծված իրավիճակին, ասել է Եվրախորհրդարանի պաշտպանության ենթահանձնաժողովի ղեկավար, ֆրանսիացի պատգամավոր Նատալի Լուիզոն։

«Մենք չկարողացանք կանխել հարձակումը, որը պատրաստվում էր մեր աչքի առաջ», – ասել է Լուիզոն՝ միջազգային հարաբերությունների կոմիտեի լսումների ժամանակ, որը նվիրված էր Ղարաբաղում ստեղծված իրավիճակին:

Նրա խոսքով՝ ԵՄ դիվանագիտության ղեկավար Ժոզեպ Բորելը չի արձագանքել Հայաստանի վարչապետ Նիկոլ Փաշինյանի օգնության կոչերին։

«Գերագույն ներկայացուցիչը մերժել է Խաղաղության եվրոպական հիմնադրամից աջակցության Հայաստանի խնդրանքը՝ պատճառաբանելով խաղաղության, ոչ թե պատերազմի պատրաստվելու անհրաժեշտությունը։ Միևնույն ժամանակ, Ադրբեջանն ամրապնդեց իր առանց այն էլ ճնշող ռազմական առավելությունը՝ զենք ստանալով, մասնավորապես՝ Թուրքիայից և Իսրայելից,մենք բոլորս աչք ենք փակել,այս ամենի վրա»,- ասաց պատգամավորը։

Նրա խոսքով, Եվրախորհրդարանը բազմիցս զգուշացրել է, սակայն եվրոպական դիվանագիտությունը անտեսել է այդ նախազգուշացումները։

«Այսօր ժամանակն է պատժամիջոցներ կիրառել Ադրբեջանի ղեկավարների դեմ, ովքեր կարծում են, որ մեր պասիվությունը նշանակում է, որ կանաչ լույս է վառում: Անգործությունն ազդանշան կլինի բոլորին, ովքեր դիմում են մեզ, որ չեն կարող հույս դնել մեզ վրա»,- ասել է Լուիզոն:

Սեպտեմբերի 19-ին Ադրբեջանը սկսեց «տեղական հակաահաբեկչական միջոցառումները»՝ Ղարաբաղում սահմանադրական կարգը վերականգնելու համար։ Բաքուն խաղաղություն հաստատելու պայման է անվանել հայկական զորքերի ամբողջական դուրսբերումը տարածաշրջանից և Ստեփանակերտի չճանաչված իշխանությունների լուծարումը։ Երեւանը տեղի ունեցողն անվանել է ագրեսիա եւ հայտարարել, որ Ղարաբաղում հայկական ստորաբաժանումներ չկան։

Ռուսաստանի պաշտպանության նախարարությունը հակամարտող կողմերին կոչ է արել անհապաղ դադարեցնել կրակը և շարունակել բանակցությունները։ Ռուսական ռազմական գերատեսչությունը նշել է, որ ռուս խաղաղապահները կազմակերպել են տուժածների բժշկական օգնությունը և ամենավտանգավոր շրջաններից Ղարաբաղի խաղաղ բնակչության տարհանումը։

Ավելի ուշ ՌԴ ԱԳՆ-ն հակամարտող կողմերին կոչ է արել անհապաղ դադարեցնել արյունահեղությունը, դադարեցնել ռազմական գործողությունները և վերացնել քաղաքացիական զոհերը։ Ռուսաստանի Դաշնությունը, ինչպես հետևում է արտաքին գործերի նախարարության հայտարարությունից, կոչ է անում անհապաղ վերադառնալ 2020 թվականի նոյեմբերի եռակողմ պայմանավորվածությունների կատարմանը։

Սեպտեմբերի 20-ին Հայաստանի  ժամանակով ժամը 13.00-ին Ադրբեջանի ՊՆ-ն հայտարարեց, որ պայմանավորվածություն է ձեռք բերվել Ղարաբաղում հրադադարի մասին։ Զինադադարի պայմանների թվում, մասնավորապես, ուրվագծվել է տարածաշրջանում հայկական ուժերի զինաթափումը։

Օֆելյա Հովհաննիսյան