Բաքուն պաշտոնապես հերքում է այն սցենարի իրագործումը, որով ՀՀ-ն կարող է ինտեգրվել տարածաշրջանային էներգետիկ հաղորդակցություններին. Դավթյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին


Հայաստանի տրանսպորտային ու էներգատրանսպորտային շրջափակումը շարունակում է Բաքվի համար գերխնդիր հանդիսանալ: Այս մասին ֆեյսբուքի իր ալիքում գրում է քաղաքական գիտությունների դոկտոր Վահե Դավթյանը:

«Այդպես է լինելու նաև «խաղաղության պայմանագրի» կնքումից հետո: Նույնիսկ ավելի մեծ ծավալներով ու «անակոնդայի» մեթոդի ամենալայն կիրառմամբ:

Օրերս Ադրբեջանի էներգետիկայի նախարարությունը փաստացիոներն հերքեց ՌԴ էներգետիկայի նախարար Շուլգինովի հայտարարությունն այն մասին, որ կողմերը աշխատում են Ռուսաստան-Ադրբեջան-Հայաստան-Իրան էլեկտրաէներգետիկ հաղորդակցության ձևավորման ուղղությամբ: Եթե լինենք ավելի հստակ, ապա Մոսկվան հայտարարեց Ռուսաստանում արտադրված էլեկտրաէներգիան Իրան արտահանելու մասին՝ արդեն նշված լոգիստիկայով:

Առանձին անդրադարձել եմ Շուլգինովի հայտարարության գեոքաղաքական ու գեոտնտեսական կողմերին: Այժմ պարզապես փաստեմ, որ Բաքուն պաշտոնապես հերքում է նման սցենարի իրագործումը, որով Հայաստանը կարող է ինտեգրվել տարածաշրջանային էներգետիկ հաղորդակցություններին: Արձագանքը շատ կոշտ է և ունի հետևյալ բովանդակությունը. Հայաստանը Ռուսաստան-Ադրբեջան-Իրան էլեկտրաէներգետիկ համակարգերի սինխրոնիզացման ծրագրի մասնակից երբեք չի հանդիսացել, ուստի Շուլգինովի հայտարարությունը խիստ վաղաժամ է ու, մեծ հաշվով, անհիմն:

Սա է ՀՀ պսևդո-իշխանությունների խոստացած ապաշրջափակումը: Վստահեցնում եմ, որ նույն պատկերն ենք ունենալու նաև մնացած բոլոր ուղղություններով:

Թուրքի հետ առևտուր անելու ակնկալիքներով ոգևորված խոշոր և մանր առևտրականներ, ձեզ մեծ հիասթափություն է սպասում»,- գրել է նա: