Դոգը շատ ճիշտ քաղաքական քայլ կատարեց 3 հիմնական պատճառով. Վաչիկ Գրիգորյան

1. Ռիսկի տակ չդրեց նորաստեղծ կուսակցության համար այս աննախադեպ արդյունքը, որը երկրորդ փուլում գուցե ի վնաս իրեն լիներ և հօգուտ մյուսների (սրանում ես համոզված եմ, որովհետև բոլորի գերխնդիրն էր լինելու նրան խանգարելը):

 

2. Իր ընտրողների ձայնը պաշտպանեց ու նրանց երկրորդ անգամ քարշ չտվեց ընտրատեղամասեր

 

3. Բոլորը ընդունել են, որ ընտրությունները տեղի են ունեցել արդար և թափանցիկ կերպով, հետևաբար բոյկոտել այն, նշանակում է բոյկոտել ժողովրդավարությունը: Իսկ, եթե երկրորդ անգամ էլ X խմբի չգոհացներ արդյունքները, պետք է կրկի՞ն բոյկոտեին:

 

Աբսուրդ է չէ՞:

 

Հիմա անցնենք մյուսներին

 

Լինենք օբյեկտիվ: Դոգը պատրաստականություն հայտնեց Հայկոյին ընտրել քաղաքապետ, և դրա համար շատ պրիմիտիվ նախապայման առաջարկեց, ինչը չընդունվեց Հայկոյի կողմից: Ոմանք նկատեցին, որ Դոգը ինչ որ պահի իջեցրեց նշաձողը ու խոսում էր ընդամենը մի ձևական հուշագրի ստորագրման մասին, որը ևս մերժվեց Հայկոյի կողմից: Հայկոն պահանջեց իրեն ընտրել քաղաքապետ առանց նախապայմանների: Ինչը հիմարություն կլիներ Դոգի կողմից: Սա գիտակցում էր նաև Հայկոն, հետևաբար էստեղ մի պարզ հարց կա ուղղված Հայկոյին: Եթե չէիր ուզում քաղաքապետ դառնաիր, ինչու՞ մասնակցեցիր ընտրություններին: Հերթական շոու՞, թե՞ նախապես պլանավորված էր, որ Նիկոլենք պիտի քեզնից թիվ 1 ընդդիմադիր ստանային, այլապես վարչապետի մասշտաբով բոլորի ուշադրությունը քո վրա սևեռելը չունի որևէ բացատրություն, իսկ հետագա քայլերով դու ավելորդ անգամ հիմնավորեցիր այս թեզը:

Թևանյանենք Հայկոյի համեմատ ավելի անկեղծ գտնվեցին: Չնայած, որ համարյա Հայկոյի չափ քվե էին ստացել, բայց և այնպես համաձայնվեցին Հայկոյի բոլոր նախապայմաններին՝ ամուր կանգնելով ի սկզբանե իրենց կողմից առաջ քաշած «իշխանափոխություն՝ ամեն գնով» նպատակի դիրքերում: Ինչու՞ եմ համեմատության մեջ դիտարկում Թևանյանենց անկեղծությունը, որովհետև ինձ համար հասկանալի չէր նրանց չներկայանալը նիստին ու դեմ չքվեարկելը, չէ որ Դոգը հայտարարել էր, որ ինքը մասնակցելու է ու դեմ է քվեարկելու: Եթե Թևանյանենք մասնակցեին ու Դոգի պես դեմ քվեարկեին, ապա հիմա բոլոր սլաքները կուղղվեին Հայկոյին: Բայց նրանք գերադասեցին Դոգին զոհաբերել, ինչու՞, սա ևս հասկանալի չէ, գուցե նրա համար, որ Հայկոյի դիմակը այսպես, թե այնպես պատռվել էր, ԳՈՒՑԵ:

 

Ինչ վերաբերվում է «Հանրապետություն» կուսակցությանը, ապա նրանք նույնիսկ նախընտրական շրջանում չէին առանձնացվում իշխանությունից: Նարնք գնացել էին «գործի ընդունվելու», իրենց ուզածին հասան, շնորհավորում եմ: Իրենք այս ընտրություններում հետաքրքրություն չէին ներկայացնում: