Հայ տղամարդիկ, ովքեր չեն դավաճանում. 7 իրական պատմություն (Photo)

Wnews.am-ը գրում է.

Ամուսնությունը կյանքի ամենակարեւոր որոշումներից է, ուստի ընտանիք պետք է կազմել սիրած մարդու հետ։ Վերջին տարիներին ինչպես ամբողջ աշխարհում, այնպես էլ Հայաստանում, ամուսնալուծություններն ավելացել են. պատճառները տարբեր են, իսկ ամենատարածվածը՝դավաճանությունն է։ Կանայք վստահ են, որ տղամարդիկ չեն կարող չդավաճանել, բայց նրանք կարող են:

Wnews.am-ը հայ տղամարդկանցից փորձեց ստանալ այն երեք հիմնավորումները, թե ինչու են նրանք նախընտրում հավատարիմ մնալ:

Աշոտ Սարգսյան, 35 տարեկան

Չնայած նրան, որ բաժանված եմ, կարծում եմ, որ եթե տղամարդը սիրում է, կնոջը հավատարիմ կմնա առանց պատճառների, իսկ եթե ուզում է դավաճանել կամ ուրիշ կանանց կարիք ունի, ապա թող բաց թողի իր «սիրուն», քանի որ սերը սկսվում է հարգանքից, իսկ դավաճանությունը ցածրացնում է տղամարդու կողքի կնոջը։ Այսպիսով. եթե սիրում է, չի դավաճանի, եթե հարգում է, չի դավաճանի, եթե չի ցածրացնում կնոջը, չի դավաճանի. ահա եւ երեք պատճառ։

Միքայել Թեւոսյան, 27  տարեկան.

Չկա ընդհանրապես ոչ մի պատճառ… դա ցանկացած մարդու որոշումն է ընդամենը…

Կառլեն Սարգսյան, 36 տարեկան.

Պատճառ 1, 2 և  3. որովհետև սիրում է իր կնոջը։

Մանվել Կոստանդյան. 30 տարեկան

Յուրաքանչյուր տղամարդ կնոջը չդավաճանելու համար ունի հիմնական պատճառ դա սերն է երբ նա իր կյանքում չի պատկերացնում այլ կնոջ, երկրորդ պատճառը պատասխանատվության զգացումն է ընտանիքի հանդեպ, իսկ երորրդ մեղքի զգացումն ու կեղծիքով ապրելը:

Աղվան Պողոսյան, 27 տարեկան

1.Այն կինը, որին տղամարդը ընտրում է որպես կյանքի ընկեր, իդեալ է, կատարյալ՝իր համար և ամենանախընտրելին բոլոր կանաց մեջ։

2.Ընտանիքը սրբություն է և դավաճանելով կնոջը տղամարդը վիրավորում է ոչ միայն նրա արժանապատվությունը, այլև՝ իր ընտանիքը։

3.Ընտանիքում տղամարդը պետք է գտնի ներդաշնակություն և բավարարվածություն. եթե չկան վերոնշյալ գործոնները, լուծումը չպետք է փնտրել դավաճանության մեջ, պարզապես այդ ընտանիքը չպետք է գոյություն ունենա։
Հ.Գ Յուրաքանչյուր դավաճանություն կազմաքանդում է ընտանիքի ամրությունը։

Բորիս Մուրազի, 26 տարեկան (ազգությամբ եզդի)

Տղամարդը պետք է հավատարիմ մնա իր կնոջը, քանի որ այդպես է խոստացել: Եվ ընդհանրապես ոչ միայն կնոջ դեպքում, այլ ամեն հարցում, իմ խորին համոզմամբ, պետք է հավատարիմ մնալ այն խոստումներին, որոնք տրվել են: Կարճ ասած, պետք է հավատարիմ մնալ ամեն դեպքում. եւ’ սեփական կնոջը և’ ուրիշներին։

Գագիկ Մամուլյան, 27  տարեկան

Առհասարակ դավաճանությունը դավաճանություն է, թեև մեր մենթալ առանձնահատկությունների մեջ մի քիչ կարծես թե տղամարդու դավաճանությունը այլ կերպ է ընկալվում: Բայց տղամարդը չպիտի դավաճանի, որովհետև իր ընտրությունն է, ու եթե դավաճանում է, դավաճանում է իր ընտրությունը: Սիրած մարդուն ինչպե՞ս կարել է դավաճանել, մարդու, ում ընտրել ես ամբողջ կյանքի համար: Սրանք ընդհանուր, իսկ ես էս ամեն ինչին ի հավելումն ասեմ, որ չեմ դավաճանի, որովհետև իմ համար մեռնելու չափ ծանր կլինի, որ իմ կնոջը, ընկերուհուն մեկը նայի այն աչքերով, իբր նա այնքան նշանակություն չունի իմ կյանքում, որ դավաճանում եմ: Ես եթե գտած լինեի էն աղջկան, ում համոզված լինեի, որ չեմ դավաճանի, վաղուց ամուսնացած կլինեի, բայց ցավոք սրտի, թե բարեբախտաբար, դեռ չի հայտնվել այն միակը, ում մեջ կգտնեմ կանացի իմ բոլոր ցանկալի կերպարները ու բացի իրենից ոչ մեկի մեջ այլ հատկություններ չեմ փնտրի: