Իսրայելի և ՀԱՄԱՍ-ի առճակատումը փակուղի է մտել․ The Guardian
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Իսրայելի և պաղեստինյան ՀԱՄԱՍ շարժման միջև հակամարտությունը, որը սրվել էր հոկտեմբերի 7-ին, փակուղի է մտել։ Դրա պատճառն այն է, որ խմբավորումը ոչնչացնելու՝ Երուսաղեմի ցանկությունը միայն ուժեղացնում է ՀԱՄԱՍ-ի նկատմամբ աջակցությունը, այլ ոչ թե թուլացնում:
Այս մասին հայտարարել է Լոնդոնի Սոաս համալսարանի դիվանագիտության պրակտիկայի պրոֆեսոր, ԵՄ արտաքին գործողությունների եվրոպական ծառայության Մերձավոր Արևելքի հարցերով նախկին գործադիր տնօրեն Նիկոլաս Ուեսթքոթը։
«Պատմությունը ցույց է տալիս, որ հնարավոր չէ վերացնել ահաբեկչությունը՝ ահաբեկելով մի ամբողջ բնակչության։ ՀԱՄԱՍ-ը ֆիզիկապես և հոգեպես այնքան արմատացած է հասարակության մեջ, որ Իսրայելի հարձակումը կարծես թե ուժեղացնում է, այլ ոչ թե թուլացնում նրանց նկատմամբ աջակցությունը: Հուսահատության մեջ հայտնված ժողովուրդը կաջակցի հուսահատ գործողություններին», - ասել է Նիկոլաս Ուեսթքոթը, որի խոսքերը մեջբերում է The Guardian-ը։
Միևնույն ժամանակ, փորձագետն ընդգծել է, որ ՀԱՄԱՍ-ն ունի «հստակ ռազմավարություն»։ Թեև պաղեստինյան զինյալների մարտավարությունը վնասում է ոչ միայն իսրայելցիներին, այլև որոշ պաղեստինցիների, Երուսաղեմի պատասխան արձագանքը մնում է սխալ:
Հիշեցնենք, որ ՀԱՄԱՍ-ի հետ Իսրայելի սրացող հակամարտությունը հազարավոր մարդկանց կյանք է խլել ինչպես հրեական պետության կողմից, այնպես էլ Գազայի հատվածում: Բացի այդ, Իսրայելն ամբողջությամբ շրջափակել է անկլավը և բազմիցս գրոհել է Գազայի վրա։
Նախօրեին էլ Իսրայելի բանակի խոսնակ Դանիել Հագարին հայտնել է, որ անկլավն ամբողջությամբ շրջափակվել է Իսրայելի պաշտպանության բանակի կողմից։
1
2
3
4
5
1
2
3
4
1
2
