Գազայի ճակատագիրը կորոշեն ռազմական առճակատման ավարտից հետո 

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Մեծ Յոթնյակի» անդամ երկրների արտաքին գործերի նախարարները Ճապոնիայում տեղի ունեցած հավաքի ժամանակ քննարկել են Մերձավոր-Արեւելյան ներկա ճգնաժամը։ Առանձնահատուկ ուշադրություն են դարձրել, թե ինչ քայլեր է հնարավոր ձեռնարկել, որպեսզի Մերձավոր Արեւելքում խաղաղությունը վերականգնվի։ Reuters-ի փոխանցմամբ, Ճապոնիան, որպես հյուրընկալող երկիր, թեման բարձրացրել է նոյեմբերի 7-ին տեղի ունեցած աշխատանքային ընթրիքի ժամանակ։

Հայտնի է միայն, որ «Մեծ Յոթնյակը» կշարունակի բանակցությունները իսրայելա-պաղեստինյան ճգնաժամի հաղթահարման ուղղությամբ։ Սակայն թե կոնկրետ ինչ առաջարկներ են հնչել եւ այլն, մանրամասներ չեն հաղորդվել։ Վերլուծաբանները ուշադրություն են դարձրել նաեւ այն հանգամանքին, որ մինչեւ հիմա Իսրայելն էլ հստակ չի հայտարարել, թե ինչպես է տեսնում Գազայի՝ հետկոնֆլիկտային ապագան։

Հայտնի է միայն, որ Իսրայելի վարչապետ Բենիամին Նեթանյահուն իր մեկնաբանություններից մեկում ասել էր, որ Իսրայելը կփորձի ստանձնել Գազայում անվտանգության ապահովումը՝ անորոշ ժամանակով։ Սակայն Իսրայելի ԱԳ նախարար Էլի Կոենը The Wall Street Journal-ի հետ զրույցում հայտարարել է, որ Իսրայելն ուզում է, որպեսզի ռեգիոնը գտնվի միջազգային կոալիցիայի հսկողության ներքո, որի մաս կազմեն նաեւ ԱՄՆ-ն, ԵՄ-ն եւ մահմեդական մեծամասնություն ունեցող երկրները, կամ որպեսզի Գազան կառավարվի տեղի առաջնորդների կողմից։ Սպասվում է, որ առաջիկայում «Մեծ Յոթնյակի» ԱԳ նախարարները իսրայելա-պաղեստինյան հակամարտության առնչությամբ հանդես կգան հայտարարությամբ։