Հոլիվուդի «տղամարդ» աղջիկները

Shabat.am-ը գրում է.

Գեղեցիկ դերասանուհիները խաղում են ոչ միայն հմայիչ և շքեղ կանանց դերեր, երբեմն նրանք դիմահարդարվելով վերածվում են տղամարդկանց: Ներկայացնում ենք մի շարք հոլիվուդյան գեղեցկուհիների, ովքեր իրենց կարիերայի ընթացքում մարմնավորել են տղամարդկանց:

Ջուլիա Ռոբերթս. Ջուլիա Ռոբերթսն արդեն իսկ մեծ անուն ունեցող դերասանուհի էր, երբ տղամարդու փոքրիկ դրվագ խաղաց “Թշնամու հետ անկողնում ” ֆիլմում: Մեծ դերերին գումարվեց նաև տղամարդու փոքրիկ դերը, և դերասանուհին կրկին զարմացրեց իր երկրպագուներին: Ի վերջո, ո՞վ կարող է մոռանալ այն դրվագը, որտեղ տղամարդու հագուստ հագած Ռոբերթսը մտնում է մոր հիվանդասենյակ:

Քիրա Նայթլի. Ծովահենները տղամարդիկ են, իսկ եթե նրանց մեջ հայտնվում է մի կին, ապա նա ստիպված է լինում առնվազն մեկ օրով դառնալ տղամարդ: 2006 թ-ին նկարահանված “Կարիբյան ծովի ծովահենները.մեռյալի սնդուկը” ֆիլմում Քիրա Նայթլին ստիպված էր կերպարանափոխվել և վերածվել տղամարդու, որպեսզի հայտնվի ծովահենների նավում: Սա դեռևս միակ ֆիլմն է, որտեղ նուրբ դիմագծերով Քիրա Նայթլիին կարելի է տեսնել տղամարդու դերում:

Քեմերոն Դիազ. Շատ դերասանուհիներ կան, ովքեր ողջ ֆիլմի ընթացքում մարմնավորել են տղամարդկանց, սակայն չեն ունեցել այն հաջողությունը, ինչը գրանցել է Քեմերոն Դիազը` ընդամենը մի քանի րոպե լինելով տղամարդու դերում: Խոսքը “Չարլիի հրեշտակները” ֆիլմի ամենահումորային դրվագի մասին է, որտեղ կին լրտեսներն իրենց տղամարդ են դարձնում:

Քեյթ Բլանշեթ. Դժվար թե շատ մարդիկ պատկերացնեին, որ Բոբ Դիլանին կարող է մարմնավորել գեղեցիկ սեռի ներկայացուցիչ: “Ես այնտեղ չեմ” ֆիլմում դերասանուհին ուղղակի հիասքանչ է կատարում իր առջև դրված պարտականությունը: Շատ դերասաններ են մարմնավորել Դիլանին, սակայն Բլանշեթի խաղի հետ ոչ-ոք չի կարող համեմատվել:

Ամանդա Բայնս. Այս ցանկում կան այնպիսի դերասանուհիներ, ովքեր ստանձնել են տղամարդու դերեր` մի շարք ֆիլմերում հմայիչ կանանց մարմնավորելուց հետո: Ամանդա Բայնսը տղայի դեր խաղաց այն ժամանակ, երբ առհասարակ ճանաչում չուներ: “Նա տղամարդ է” ֆիլմում սկսնակ դերասանուհին փայլուն մարմնավորեց Վիոլային և նրա երկվորյակ եղբորը` Սեբաստիանին:

Գվինեթ Փելթրոու. Ո՞վ կարող է մոռանալ երբևէ նկարահանված ամենառոմանտիկ ֆիլմերից մեկը` “ՍիրահարվածՇեքսպիրը”: Այն պատմում է մի երիտասարդ կնոջ մասին, ով թատրոնում խաղալու համար կերպարանափոխվում է որպես տղամարդ և վաստակում Ռոմեոյի դերը խաղալու իրավունքը: Ֆիլմում Ռոմեոյի վերածված թատերասեր աղջկան մարմնավորել է հմայիչ Գվինեթ Փելթրոուն, ով այս ֆիլմում կնոջ լավագույն դերի համար արժանացել է «Օսկար» մրցանակի: