«Վանաձոր» ՔԿՀ-ում դատապարտյալները հարձակվել են աշխատակցի վրա, փորձել են դանակահարել նրան․ «Փաստինֆո»

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՔԿՀ-ներում անազատության մեջ պահվող անձինք կրկին «գլուխ են բարձրացնում», այս անգամ՝ «Վանաձոր» ՔԿՀ-ում պահվող երկու դատապարտյալ հարձակվել է ՔԿՀ ծառայողների վրա, դատապարտյալներից մեկը փորձել է սուր-կտրող առարկայով հարվածել ծառայողին:

Մասնավորապես, նշված ՔԿՀ-ում պահվող կալանավորներից մեկը՝ Տ. Ք.-ն, նույն հիմնարկում պահվող Մ. Կ.-ի հետ աշխատակիցների հասցեին տվել են սեռական բնույթի հայհոյանքներ, ապա քաշքշել նրանց, որի ընթացքում Տ. Ք.-ն բռունցքով հարվածել է աշխատակիցներից մեկի գլխին՝ կյանքի և առողջության համար ոչ վտանգավոր բռնություն գործադրելով: Այդ ընթացքում էլ Մ. Կ.-ն իր մոտ պահվող սուր կտրող- ծակող գործիքով հարձակվել է ՔԿՀ ծառայողի վրա՝ փորձելով հարվածել նրան, նախ վայր է գցել ծառայողին մահճակալի վրա, ինչի ընթացքում վերջինս կառչել է նույն վայրում գտնվող անձանցից մեկի հագուստից, որն իներցիայով ընկել է ՔԿՀ աշխատակցի կրծքավանդակին: Կալանավորը փորձել է երկրորդ անգամ դանականման գործիքով հարվածել ՔԿՀ աշխատակցին, սակայն Ե. Ք.-ն միջամտել է և նշված սուր գործիքը դիպել է նրան, ինչի հետևանքով Ե. Ք.-ի առողջությանը պատճառվել է վնաս: Դեպքի առթիվ նախաձեռնվել է քրեական վարույթ և այդ գործով դատապարտյալները կրկին կկանգնեն դատարանի առջև: Քրեական գործը գտնվում է Լոռու մարզի ընդհանուր իրավասության դատարանի դատավոր Տարոն Թադևոսյանի վարույթում:

Նշենք, որ երկու կալանավորներն էլ մի քանի անգամ են կանգնել դատարանի առջև:
Ի. Ս.

Աղբյուր` Փաստինֆո