Իրանը Բաքվում սահմանադրական հեղաշրջո՞ւմ էր նախապատրաստում
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Բաքվի՝ ծանր հանցագործությունների դատարանում կքննվի երկրում հայտնաբերված այն լրտեսական խմբի գործը, որին կասկածում էին Իրանի հետախուզական ծառայությունների հետ աշխատելու մեջ:
Նշենք, որ այդ անձինք բերման էին ենթարկվել Ադրբեջանի ՆԳՆ, Պետական անվտանգության ծառայության եւ Ադրբեջանի գլխավոր դատախազության համատեղ գործողությունների արդյունքում։ Նրանց համատեղ հայտարարության մեջ ասվում է, որ օպերատիվ միջոցառումների շրջանակում ճնշվել են «հանցավոր» գործողություններ, որոնք ծրագրել էին իրականացնել Ադրբեջանի մի խումբ քաղաքացիներ, որոնք հավաքագրվել էին Իրանի հետախուզական ծառայությունների կողմից կրոնական քարոզչության միջոցով։ Հայտարարության մեջ ասվում է նաեւ. «Ռուֆուլլա Ախունդզադեն եւ նրա որդին՝ Ալմուրսալ Ախունդզադեն, ովքեր համագործակցում էին Իրանի հետախուզական ծառայությունների հետ, մշակել են Ադրբեջանի տարածքում զինված անկարգություններ կազմակերպելու գործողությունների ծրագիր՝ նպատակ ունենալով ստեղծել «Քարիմա» պետություն՝ բռնի կերպով փոխելով սահմանադրական համակարգը։ Ադրբեջանի՝ հասարակական գործիչների եւ պաշտոնյաների մահափորձերի համար ստեղծել հատուկ դիմադրության ստորաբաժանումներ։ Այս ծրագրի շրջանակներում Ռուֆուլլա Ախունդզադեն հատուկ խմբեր է ստեղծել WhatsApp-ում, Telegram-ում եւ այլ մեսենջերներում:
Ախունդզադեն ծրագրել էր նաեւ խմբավորման անդամներին Իրան ուղարկել՝ կրոնական կրթություն ստանալու պատրվակով, սակայն իրականում նրանց ներգրավել զորավարժություններին եւ ներգրավել անօրինական զինված ծայրահեղական կազմակերպությունների մեջ։ Արտասահմանյան հետախուզական ծառայությունների հետ գաղտնի համագործակցության մեջ ներգրավված անձանց բացահայտմանն ուղղված հաջող գործողություններից հետո Ախունդզադեն հրամայել է փակել իր ստեղծած մեսենջեր խմբերը, եւ խմբի անդամները որոշ ժամանակ ակտիվ չեն եղել սոցիալական ցանցերում։ Խմբի անդամները նաեւ միջոցներ են ուղղել արտերկրից՝ Ադրբեջանում կրոնական արմատականությունը խթանելու եւ այլ դիվերսիոն գործողություններ ֆինանսավորելու համար»:
ՀԳ․ Մենք լավ գիտենք Ադրբեջանի գործելաոճը. որեւէ երկրի դեմ իր հանցագործություններն արդարացնելու համար նախ սկսում է այդ երկրին մեղադրել տարբեր աշխարհաքաղաքական մեղքերի մեջ: Դրա վառ օրինակը մենք ունեցել ենք բազմիցս. Հայաստանի նկատմամբ ռազմական հանցագործություններ սկսելուց առաջ, որպես կանոն, սկսում են հայտարարել, թե իբր Հայաստանը ռազմական ագրեսիա է իրականացնում հայ-ադրբեջանական սահմանին: Ուստի այս լրատվությանը կարելի է հավատալ վերապահումով. գուցե Ադրբեջանն ինքն է ցանկանում Իրանում նման գործողություններ իրականացնել եւ դրա համար հող է նախապատրաստում:
1
2
3
4
5
1
2
3
4
5
5
