Բալետի ուսուցիչը սեռական հարաբերություն է ունեցել աշակերտուհիների հետ. Հերթական սկանդալը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Շոտլանդիայում բալետի 41-ամյա ուսուցիչը, որը մեղադրվում է աշակերտուհիների նկատմամբ սեռական հանցագործությունների մեջ, խուսափել է բանտից: Այս մասին հայտնում է The Scottish Sun-ը:

Ջոնաթան Բարտոնին մեղադրել են 2004-2019 թվականներին Արգիլ-էնդ-Բյուտ շրջանի բալետի դպրոցի ութ աշակերտուհիների նկատմամբ սեռական հանցագործությունների մեջ: Այդ պահին ենթադրյալ զոհերը եղել են 16-19 տարեկան։ Ավելի քան երկու շաբաթ տևած դատավարության ընթացքում նախկին ուսանողները բազմաթիվ ցուցմունքներ են տվել Բարտոնի դեմ։ Դիմումատուների խոսքով՝ դասախոսը սիրախաղ է արել իրենց հետ և դասի ժամանակ դիպչել նրանց ինտիմ մասերին։ Ավելին, երկու նախկին ուսանողներ ասացին, որ սեռական հարաբերություն են ունեցել Բարտոնի հետ:

Մեղադրյալը հաստատել է, որ մտերմություն է ունեցել երկու աղջիկների հետ, սակայն նրանք 18 տարեկանից բարձր են եղել։ Նա նաև հայտարարել է, որ ինքը չի եղել այն աղջիկներից մեկի ուսուցիչը, ում հետ սեռական հարաբերություն է ունեցել: Բոլոր մեղադրանքները Բարտոնը հերքել է։ Նրա խոսքով՝ դատարանում ցուցմունք տված կանայք ստել են և դավադրություն սկսել իր դեմ: Տղամարդը պատմել է, որ իր աչքերով է տեսել դիմումատուների նամակագրությունը համացանցում, որտեղ նրանք քննարկել են գործողությունների ծրագիրը: Դատական քննության արդյունքում Բարտոնին անմեղ են ճանաչել մեղադրանքներից յուրաքանչյուրի մեջ։