Հայտնի միֆեր մազերի մասին. հավատա՞լ, թե՞ ոչ

Shabat.am-ը գրում է.

Միֆ առաջին. Ուժեղսթրեսից մազերըսպիտակում են

Այդքան էլ ճիշտ չէ: Գիտնականները փորձարկումներ են կատարել մկների վրա, և որոշ չափով է այս վարկածը ապացուցվել: Մարդկանց դեպքում գիտնականները չեն կարող նույնն ասել, քանի որ մարդկանց մոտ մազերի սպիտակելու վրա ազդում են ժառանգականությունը, տարբեր հիվանդություններ և բազմաթիվ այլ հանգամանքներ:

Միֆ երկրորդ. Եթե պոկեք մի սպիտակ մազ, ապա նրա տեղն ավելիշատ կաճի

Ճիշտ չէ: Մեկ մազարմատից կարող է միայն մեկ մազ աճել, սակայն այն միևնույնն է սպիտակ կլինի, քանի որ նրա մեջ պիգմենտային բջիջներն արդեն մահացել են: Սակայն, մի շտապեք պոկել սպիտակ մազերը, քանի որ հնարավոր է դրանից որևէ վարակ ձեռք բերեք կամ վնասեք մաշկը:

Միֆ երրորդ. «Պոչիկները» կամ հաճախակի կապված մազերը մազաթափության պատճառ են

Ճիշտ է, մազերի համար շատ վնասակար է ձիգ կապելը: Թեև մազերը թափվելու վրա բազմաթիվ այլ հանգամանքներ են ազդում:

Միֆ չորրորդ. Եթե ցուրտ եղանակին խոնավ մազերով դուրս գաք,անպայման կհիվանդանաք

Պարտադիր չէ, բայց հնարավոր է: Ցրտից նեղանում են քթի արյունատար անոթները և այդ դեպքում հիվանդանալ կարելի է դիմադրողականության անկումից:

Միֆ հինգերորդ. Լողանալուց հետո սառը ջրով մազերը ողողելը նրանցփայլ է հաղորդում

Ճիշտ է, սակայն մասամբ: Մազերի փայլը կախված է գենետիկ ֆակտորից և մազի թեփուկներից: Ցրտից նրանք կծկվում են, ինչը հնարավորություն է տալիս ավելի լավ արտացոլել լույսը: Սակայն երկարատև արդյունքի համար հարկավոր է ճիշտ կերպով հետևել մազերին և առողջ ապրելակերպ վարել:

Միֆ վեցերորդ. Չի կարելի սանրել թաց մազերը

Ճիշտ է: Թաց մազերը շատ զգայուն և խոցելի են: Ընդհանրապես խորհուրդ չի տրվում սանրել խոնավ մազերը: Դրանից նրանք կարող են վնասվել, կոտրվել, ճյուղավորվել և թափել:

Միֆ յոթերորդ. Որքան հաճախ սանրել մազերն, այնքան ավելի լավ

Ճիշտ չէ: Ամերիկացի մաշկաբանները կարծում են, որ սխալ է շատ հաճախակի սանրել մազերը: Դա կարող է վնասել նրանց, թուլացնել արմատները և հանգեցնել ճյուղավորման:

Միֆ ութերորդ. Հղիներին չի կարելի ներկել մազերը

Այդքան էլ այդպես չէ: Մասնագետներն ասում են, որ պետք է խուսափել մազերը ներկել առաջին երեք ամիսների ընթացքում, իսկ հետագայում ուշադիր եղեք ներկի պիտանելության ժամկետի հետ: Եթե պատրաստվում եք մազերը ներկել տնային պայմաններում, ապա անպայման ձեռնոցներ օգտագործեք:

Միֆ իններոդ. Գարեջրուրն ամրացնում է մազերը

Ճիշտ է, բայց մասամբ: Իհարկե գարեջրի խմորիչները հագեցնում և ամրացնում են մազերը, բայց գարեջրի մեջ եղած ալկոհոլը չորացնում է դրանք և լվանալուց հետո սուր հոտ է մնում: Այդ պատճառով, եթե Դուք գարեջրով եք լվացել Ձեր մազերը, ապազուգահեռ անպայման որոշ փափկեցնող քսուքներ օգտագործեք:

Միֆ տասներորդ. Ծխելը կարող է մազերի սպիտակության պատճառդառնալ

Լիովին ճիշտ է: Նույնիսկ 10 տարի առաջ Բրիտանական բժշկական ամսագիրը հրապարակել էր հետազոտության արդյունք, որն ապացուցում էր, որ ծխողների մազերը 4 անգամ ավելի արագ են սպիտակում: Եվ ընդհանուր առմամբ, ծխելը վաղաժամ ծերացնում է օրգանիզմը: