«Երևանն ադրբեջանական հին քաղաք է, դրա հանձնումը հանցանք է»․ Ալիևը զառանցու՞մ է, թե՞ սպառնում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նախօրեին ադրբեջանական հեռուստաալիքներին տված հարցազրույցում այդ երկրի նախագահ Իլհամ Ալիևը բազմաթիվ մեղադրանքներ է հնչեցրել Հայաստանի հասցեին՝ այդ ամենն ուղեկցելով նաև ցնդաբանություն հիշեցնող՝ նախկինում արված իր որոշ հայտարարություններով․

«Գաղտնիք չէ, որ 20-րդ դարում ադրբեջանական հողերը մասամբ փոխանցվեցին Հայաստանին։ 1918 թվականին՝ Ադրբեջանի Դեմոկրատական ​​Հանրապետության ստեղծումից մեկ օր անց, Իրեվան (նկատի ունի Հայաստանի մայրաքաղաք Երևանը-խմբ․) քաղաքը, ցավոք, փոխանցվեց Հայաստանին։ Չնայած սրա համար պատճառ չկար։ Սա հնագույն ադրբեջանական քաղաք է։ Ադրբեջանական ժողովուրդն այնտեղ ապրել է դարեր շարունակ, պատմությունը, այսինքն՝ Իրեվանի պատմական տեսքը, որն այսօր ջնջվում է, հաստատում է ադրբեջանական դարավոր ճարտարապետական ​​ժառանգության առկայությունը»։

Նրա պնդմամբ, «1918 թվականին ընդունված որոշումը պատմական մեծ հանցագործություն էր, ոչ թե սխալ, այլ՝ հանցագործություն»։

«Մայիսի 29-ին Իրեվանը փոխանցվեց Հայաստանին։ Սրա բացատրությունը թե այն հանձնելուց հետո՝ Հայաստանը հրաժարվում է Ադրբեջանի նկատմամբ տարածքային պահանջներից, ոչ մի տրամաբանության մեջ չի տեղավորվում։ Հրաժարվե՞լ է: Ոչ, նա էլ ավելի լկտիացավ։ Այն ժամանակ Ադրբեջանի Ժողովրդավարական Հանրապետությունում ներկայացված պատվիրակների՝ Իրեվանի պատվիրակների բողոքը հաշվի չի առնվել։ Այսինքն՝ դա մեծ պատմական հանցագործություն էր, և սա սկիզբն էր»,-ինքնամոռաց ու անթաքույց հայատյացությամբ հայտարարել է Ալիևը։