Երեւանում ապրելն ավելի թանկ արժի, քան Մոսկվայում 

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Համաձայն Numbo.com-ի, 2023 թվականին Երեւանում ապրելը մարդու վրա ավելի թանկ է նստում, քան հարեւան երկրների մայրաքաղաքներում։ Նույնիսկ Մոսկվայում ապրելն ավելի էժան է նստում մարդու վրա, քան Երեւանում։ Ըստ վերոնշյալ կայքի տվյալների, մեկ անձին նույնանման կյանքի որակ ապահովելու համար Երեւանում պահանջվում է 3246,3 դոլար, Մոսկվայում՝ 2909,4 դոլար։ Այդ գումարի մեջ մտնում է նաեւ բնակարանի վարձակալությունը, որը Երեւանի կենտրոնում` մեկ սենյակի համար արդեն հատել է հազար դոլարի սահմանը։ Համաձայն այս տվյալների, Երեւանում սպառողական գները, առանց բնակմակերեսի վարձակալության, 15,1 տոկոսով ավելի թանկ են, քան Մոսկվայում։ Բնակմակերեսի վարձակալությամբ Երեւանում սպառողական գները Մոսկվայի գներից բարձր են 11,6 տոկոսով։ Վարձակալության գները Երեւանում 4,8 տոկոսով ավելի են, քան Մոսկվայում։

Ռեստորանները Երեւանում 21,8 տոկոսով ավելի բարձր գներ ունեն, քան Մոսկվայում։ Սննդամթերքը Երեւանում` Մոսկվայի համեմատ թանկ է 17,6 տոկոսով։ Սրա հետ մեկտեղ, տեղի բնակչության գնողունակությունը Երեւանում 56,9 տոկոսով ցածր է, քան Մոսկվայում։ Մեր ռեգիոնում տների վարձակալության ամենաթանկ գները Երեւանում են։ Այսպես, Երեւանի կենտրոնում մեկ սենյականոց բնակարանի վարձակալությունը 2023 թվականին ամիսը միջինացված ցուցանիշով կազմել է 979 դոլար, Մոսկվայում 772 դոլար։ Սա կարելի է բացատրել նրանով, որ սանկցիոն ճնշման տակ գտնվող Մոսկվայում պահանջարկը բավականին նվազել է, իսկ Երեւանում, հակառակը` ավելացել է, քանի որ ՌԴ քաղաքացիների մեծ հոսք է եղել դեպի Հայաստան։