8 սկզբունք` յուրահատուկ ոճ ստանալու համար
Life
Հագուստի և ոճի մասին կարելի է գտնել բազում տեղեկատվություն: Հանրահայտ դիզայներները խորհուրդ են տալիս, թե ինչպես կազմել սեփական ոճը:
Այդ խորհուրդներն այնքան շատ են, որ անհնար է լինում որևէ բան առանձնացնել: Սակայն կա մի միջոց: Երկրագնդի ամենավառ և ոճային կանայք կիսվել են մի քանի սկզբունքներով, որոնց հետևելով, միշտ կարող եք լինել վառ և ոճային՝ անկախ նրանից, թե ուր եք գնում:
Հագուստը՝ ոչ տեսողական շփման միջոց
Հոգեբանները և ոճաբանները համարում են, որ հագուստը ոչ միայն ճաշակն է ցույց տալիս, այլ նաև անձի առանձնահատկությունները: Այն ինքնադրսևորման ամենաուժեղ միջոցն է: Ուզում եք, թե ոչ, հագուստը կարող է շատ բան պատմել կրողի մասին, այդ պատճառով՝ գիտակցաբար մոտեցեք հագուստի ընտրությանը:
Հանրության և ընկերների համար
Հագուստը ոչ միայն ձեր մասին հակիրճ տեղեկատվություն է տրամադրում, այն նաև պատասխան է սոցիալական իրավիճակների, որում դուք հայտնվում եք: Համաձայնեք, որ դուք տարբեր հագուստ եք կրում գրասենյակ կամ ընկերներին հյուր գնալիս: Հագուստը ցույց է տալիս, թե ո՞ր իրավիճակում դուք ինչպես եք ձեզ արտահայտում:
Կարևորը ճիշտ ընտրված հագուստն է
Որքան էլ նորաձև և թանկանոց լինի ձեր զգեստը, եթե այն վատ է նստած ձեր վրա, ոճային երևալու բոլոր փորձերն ապարդյուն կլինեն: Ոճաբանների կարծիքով, կանանց հիմնական սխալն այն է, որ նրանք չեն ընդունում իրենց մարմինն այնպիսին, ինչպիսին այն կա և կրում են հագուստ, որը իրենց վրա լավ չի նստում: Կինը պետք է իրատեսորեն գնահատի, թե ինչն է իրեն սազում, ինչը՝ ոչ: Հիշեք, կնոջ ամենակարևոր աքսեսուարը ինքնավստահությունն է:
Մի խնայեք ջինսերի վրա
Vogue ամսագրի մարքետինգային խմբագիր Քելի Քոնորը համոզված է, որ երկու զույգ որակյալ ջինսերը հիանալի ներդրում են: Ջինսը յուրաքանչյուր զգեստապահարանի անբաժան մասն է: Որակյալ ջինսը կարելի է կրել տարիներ շարունակ:
Հագուստ ընտրելիս մտածեք շրջապատի մասին
Պետք է գիտակցել, որ հագուստը ոչ միայն ինքնաարտահայտման միջոց է: Պետք է մտածել նաև, թե ի՞նչ տպավորություն եք գործելու մարդկանց վրա այն միջավայրում, որում հայտնվելու եք: Վառ, ժամանակակից հագուստով, եթե նույնիսկ դա է ձեր ոճը, չարժե գնալ խորհրդակցության:
Հետևեք թրենդենրին, սակայն մի մոռացեք ներքին ձայնի մասին
Հագուստ ընտրելիս կարող եք որքան ցանկանում եք հետևել նոր թրենդներին, բայց պետք է հասկանաք, որ ամեն ինչ իր տեղն ունի:
Կարևորը մանրուքներն են
Ոճը ձևավորվում է մանրուքներից՝ ինչպես եք կապում գոտին, ինչպիսի զարդեր եք կրում և այլն: Չի կարելի պնդել, որ յուրաքանչյուր մանրուք ազդում է կերպարի ներդաշնակության վրա, բայց այն, թե ինչպես է ձեր տաբատը ծալված կամ ինչպես եք դուք կրում վերնաշապիկը, կարող է ձեզ ամբողջովին վերափոխել:
Յուրահատուկ ոճը կարող է դառնալ ձեր այցեքարտը
Կերպարի յուրաքանչյուր գիծ կարող է ձեզ յուրահատուկ դարձնել և, ի վերջո, կդառնալ ձեր այցեքարտը: Դա կարող է լինել ձեր ճակատի մազափունջը, որը դուք տարիներով կրում եք կամ վառ աքսեսուարները: Մտածեք, թե ի՞նչը կարող է անհատականացնել ձեր ոճը, դարձնել այն ճանաչելի:
Աղբյուր՝ LADYNEWS.am
1
2
3
4
5
2
3
5
1
2
3
4
5
