Տաթևիկ Վիրաբյանը չի ընդունում մեղադրանքը

 

Դատախազը նաև ընդգծեց, որ մեղադրյալը հասարակության նկատմամբ անհարգալից, իրավական և բարոյական նորմերի նկատմամբ բացահայտ արհամարհական վերաբերմունք է ցուցաբերել, անտեսել ոստիկանների կողմից պատշաճ վաքագիծ դրսևորելու պահանջները։ Ըստ մեղադրող կողմի` այդ օրը` ժամը 20։30-21։00–ն ընկած ժամանակահատվածում, նա 3 անգամ գետնից շշեր է վերցրել և նետել ոստիկանության ծառայողների և ՀՀ կառավարության ուղղությամբ։

 

«Չեմ ընդունում մեղադրանքը, այդտեղ հանցանք չկա»,– ասաց Վիրաբյանը։

Գործի շրջանակում մեղադրանք է առաջադրվել նաև մի շարք այլ անձանց, որոնք նույնպես մեղադրվում են խմբակային խուլիգանություն կատարելու մեջ, որի արդյունքում ոստիկանության մի քանի ծառայող մարմնական վնասվածքներ են ստացել։

 

Փաստաբան Հովհաննես Խուդոյանը նշեց, որ մեղադրանքի ձևակերպման հետ համաձայն չեն, բացի շիշ նետելու ձևակերպումից։ Նա ընդգծեց` մեղադրանքի մնացած մասը շարադրանք է, որը պարզապես հարմարեցված է տեսական քերականության ձևակերպումներին։