Քերրին Ռուսաստանին և Ասադին սպառնացել է Սիրիա ներխուժմամբ
Header
Եթե Դամասկոսի իշխանությունը, Ռուսաստանն ու Իրանը չկատարեն հրադադարի մասին համաձայնագիրը, դա կարող է հանգեցնել Սիրիա լրացուցիչ ցամաքային զորքերի մտցնելուն: Այս մասին Orient հեռուստաալիքին տված հարցազրույցում նշել է ԱՄՆ պետքարտուղար Ջոն Քերրին:
«Եթե Ասադը չկատարի իր պարտավորությունները, իսկ իրանցիներն ու ռուսները չստիպեն նրան անել այն, ինչ խոստացել են, ապա միջազգային հանրության անդամներն, անկասկած, պարզապես հիմարների պես չեն նստի եւ հետեւեն այդ ամենին»,-ասել է Քերրին, հաղորդում է «Ինտերֆաքսը»:
«Պետքարտուղարության ղեկավարը պահանջել է Մոսկվայից դադարեցնել այն շրջանների ռմբակոծությունը, որտեղ պետք է հրադադար հաստատվի, եւ կրկին մեղադրել է Ռուսաստանին Սիրիայում քաղաքացիական օբյեկտները ռմբակոծելու մեջ: Նա նաեւ դեմ է հանդես եկել հակամարտության մեջ Ասադի կողմից «Հըզբոլլահ»-իգրոհայինների եւ Իրաքից շիա ապստամբների մասնակցությանը, ընդգծելով, որ նրանք տեղ չունեն Սիրիայում, եւ պետք է վերադառնան հայրենիք:
Բացի այդ, Քերրին կոչ է արել քաղաքական լուծում գտնել ՍԻրիայի միասնականությունը պահպանելու համար: Նա նշել է, որ ԱՄՆ-ը հստակ տարբերում է սիրիական ընդդիմությունն ահաբեկիչներից՝ վերջիններիս շարքերում ներառելով բոլոր նրանց, որոնք սպանում են էթնիկ կամ կրոնական պատկանելիությունից ելնելով:
Անդրադառնալով Ասադի ապագային, Քերրին հիշեցրել է, որ ԱՄՆ-ն եւ իր դաշնակիցները համարում են, որ խաղաղություն Սիրիայում չի լինի, քանի դեռ Ասադն է իշխանության: «Մենք համարում ենք, որ Ասադը պետք է օգնի իշխանության փոխանցմանը՝ հայտարարելով, որ ազատ ընտրություններ է անցկացնելու, որը կօգնի իր երկրի վերականգնմանը»,-ասել է ԱՄՆ պետքարտուղարը:
1
2
3
4
5
1
2
3
5
3
5
